Falam Tleirawl Pathum Laiva Ti Ah Tla That

Salai V Bawi Lian
May 23, 2017 Falam | Falam tleirawl pathum pawl cu tuini ah Laiva tiva ah an tla ih sml 2:15 hnu ah an ruang an sar thei.

Thuhla kan dondan in tidai ih a tlatu tleirawl le an rualpi pawl hi Laiva ah rualza tonawknak le picnic neiih feh an si. ‘An tomi vokkuang long a rak pop ih cutin tidai ah sundir sml 1:00 hrawng ah an tlak mi a si tin thu kan thei, an ruang hi Myanmar sml siimlam 3:15 tluk ah an sar’ tiin Falam laihlum Salai Nhgepi cun Chinland Today Media hnenah a sim.

Tidai ih a tlathattu tleirawl pawl cu; Khaw Nei Mawi, phun 9, Tuan Hre Lian, Phun 10 le Johan, phun 10 kailai pawl an si. Pakhat hi Falam Matubuk veng mi a siih a dang pahnih khal vengkhat nai an si ding ti a zum um.

Tufang hi an ruang tidai ihsin an sar pekte a siih Falam ah an tlun pi ding. Tuini hi Falam khawpi ah ruang pali rori in khawpi a tuam.#

Comments

comments

Comments

%d bloggers like this: