Falam Thlacam Khawmpi Hrang Bus 5 Lairawn Ihsin Manpek Tullo In Pok Ding

Falam khawpi ah Falam mi le sa Pathian rongbawltu zaten thlacam khawmnak cu February 19, sun khawm banah a um ding. Himi hrangah Lairawn ihsin Bus 5 pawl timlamsak an si ding tiin thu kan dong.

Falam puaipi, February 17-22 tiang um ding mi thawn hi thlacam khawmpi khal hi peh cih a si ding. Lairawn le Laitlang Falam peng hmun dangdang ih Falam mi le sa Pathian rongbawltu pawl zaten sawm an si. Lairawn palai pawl hrangih pehtlaihnak ding cu Lairawn Baptist Association ih General Secretary, Rev. Dr Bawi Ceu a si dingih Laitlang hrang cu Falam Christian Fellowship hotu pawl an si ding.

Himi bus pa 5 pawl hi CBANA pawl in an tumsak ding mi a si. “Hi tiih kan tumsaknak ding san khal, Pathian hnatuantu pawl lungkhat ten hmunkhat ah Pathian biak khawm tlang thei ding ruahsannak thawn a si” tiin CBANA, GE Rev, Sa Tin Lal cun Chinland Today Media thawi biak awknak ah a sim.

Bus toman hi pek a tullo ding ih hotu le tuanvo neitu hnenah sim awkter cianak neih ding a si. February 18 ah Tahan ihsin Bus 5 pawl hi an pok ding.

Falam ih thlennak neilo pawl hrang FCF pawl in tuanvo an lak dingih, mi hrekkhat rongbawltu ding pawl cu mah le kawhhran tin cio in an mi khual ding tiin tuanvo nei upa hnen ihsi thu kan dong.#

(Visited 173 times, 1 visits today)

Comments

comments

Comments

%d bloggers like this: