Falam Motaw Let Mithi 5 An Si; Update

Falam-Tha-Mini-Bus-580x326 Falam-Tha-Mini-Bus1-580x326

Vancung Thaihlio

23 May 2014 3:00 PM ah Hriangzing sakte ih a accident mi Mawtaw ah mi 5 a hmun ah an thi ih. Mi 7 cu Kalay Sizungpi ah an phur cih ih hliam an tuar fingfing.
Cumi sung ihsin mipa pakhat cu sizung to tullo in a unau le a fanu an vuinak Lumbang ah an ruak thlun in tui sun 1:30 PM ah a so cih thei.
Mi 6 cu Kalay sizung ah an it lai. Tui zanlam May 24 tiang ah zohman an thi hrihlo. An zaten an dam suakthei theh ding ih zum a si.
Mawtaw Driver khal a thi ih a khua Bualkhua ah 1:00 PM hrawng ihsin an sohpi cih. Pasenger pawl cu Kalay le Lumbang ih um an siih Lumbang ah an unau Father (RCM) tuanmi a um ih lungawithusim thlacam an hung hmang. Cutin an tlunlam ah Kalay ih mawtaw an vun cah mi a si.
Mawtaw cu Falam le Kalay karlak line suai a si. Filippine ih tlawng sang kai ih ratlung duakmi fehsal tum an unau RCM Brother khal mawtaw accident ah a thi cih ve.
Mawtaw totu hi Driver thawn mi 12 an si. Anmah innsang unau sungkhat za an si.
Hi vansiatnak ih mual a liamtu pawl tla cu Driver pa, Brother Joseph Lian Thang, Nu Sui Nei Mawi le nauhak nunau pahnih tin an zaten pa nga an thi.
Mawtaw hi ziangruangah ti theih lo in zin kau pi le zin tha zetnak hmun a si ko nan zinthlang ah a zam tla ih zinthlang lam kham ih thing kung tumpi a vun pah hnu ah a linglet in a tlami a si.
Mawtaw cu rel ding um lo khop in a siat theh. Mawtaw hi Falam ih Emanuel Store ( Suite nu or Hrete nu) tei mawtaw a si. An leinak hi kumkhat tluk lawng a si lai tiah miruak phorh ih mawtaw letnak hmun ih a fehtu Pastor Andrew Bawi Lian Thawng in a ti.
(Visited 1,363 times, 1 visits today)

Comments

comments

Comments

%d bloggers like this: