Falam Ram le Miphun Damnak Hrang Thlacam

Falam khawpiFungzahlawnkhar

Falam|21 May 2007

Falam Ram le Miphun Damnak hrang ih thla camnak cu Surbung tlang (Zion tlang) ah May 6-9 tiang tuah a si ih thlacamtu mipun 138 le steward 5 an tel thei. Himi thlacamnak a hotu bik hi Evan Bawi Lian Thang le Evan Joseph Hal Luai pawl an si. ( Zuk: Falam Khawpi, Phun Zam )

Thalcam thupi pawl cu Falam mipi thlarau lam ih kan tthang harh theinak ding, hmundang zaal Falam misa pawl hrang, ciicin thlaithlaknak le sumhnam zuatmi pawl hrang, Falam mi pawl fimthiamnak lam le harhdamnak lam hrang, Falam khuapi tidai meisa a ngahtthat theinak ding tivek in 20 lenglo a um.

Siarbet

Surbung tlang ih caan an hman ttheh hnu ah May 9-17 sung Falam townhall pi ah siseh, May 18-24 sung PCM Vengpi biakinn ah siseh Evan Joseph Hal Luai hmang in zirhnak pehzom in caan an hmang.

“Ahlan ahcun pumpak mimal in siseh, bur tete in siseh ram le miphun hrang thlacam cu an rak um ko ding nan, rampum huap in cu a tu hi a hmaisabik a si ding ka zum. Dec 31 2009 ihsin Jan 3 2010 le 2010 April sung khal ah dam ten kan um a si le tu vek thotho in caan hmang ding in kan tumtah a si,” tiah Evan Joseph Hal Luai in Buannel asim.

(Visited 98 times, 1 visits today)

Comments

comments

3 Comments

  1. Amen !

    Pathian in kan Falam ram le kan Falam miphun thlaw in suah sinsin hram seh!

    Kan Pa Pathian hnen ih kan au mi aw hin kan Miphun pi in ti dam theh ding ti zum nak thawn…

  2. Gibeon,Arun says:

    Pathian in, kan Falam miphun hi a thunung hal tu si dangah bawngmal in sawm hramseh!

  3. Ram le miphun cicin thlaithak thurel vek cu a tisa hnatuk, a thlarau lotuk ti ih a ruahnak ihsin thlacamnak sung ih telh thei tiang dinhmun kan thleng cu a lungawi umtuk.

    Hih thu hi kan ramharsatnak (Zinghnam Paam) in in sim maw silole ziangdang theihnak in in sim. Asilole fiangten kan theifel ngaingai maw ti pawl cu suh ding thu an um hrih ko ding.

    Ziangkhal sile Pathian in a sersiammi Ram, Miphun le kan Nunphun sinak pawl kilkhawitu ding ah Laimi in ret tihi kan mipi in thei sinsin in thlarau sinak khal ah Kapkhat hrang lawng ruahnak ihsin kan nun, damcah lai hrimhrim ah thlaraumi kan sinak hmang sintu le Kan cicin thlaithlaknak le kan ram himdamnak pawlkhal telh huap thehtu thlaraumi diktak si thei ding ah Lam in hruai thoknak sangkaa pi si hramseh.

    Hminsin: : Thingkung hrampi thu le Cicin thlaithlak thuvek rel cu a tisa tuk ti mi aw tamzet ka thei ruangah tuitum ih an thlacammi zoh in Zinghnam pawl in in thangharh tiah ka ruah ruangah ka run tarlang mi asi.

Comments

%d bloggers like this: