Falam Puaipi Hlapi “FALAM” Mipi Duh A Co; Nikhat Kim Hlanah 16.4K Kim 

Falam puaipi hrang ih hlapi, “FALAM” hla cun mipi duh a co ih a thlirtu le a zohtu nikhat kim hlanah 16000 an luan. Chinland Today Page ih thla a siveten sml 1 sungah thlirtu mi thawng hnih 2k leng a nei ciih a shared tu mi 100 an kim.

A hlat hluk in mi aneh zet ih, a hlafang pawl in hmuar an nei. A saktu pawl an thiam ih zuknung khal a mawi. Falam leng le val rual pawl in duhdawtnak zuunzaam tilang in le Falam thlithiang hawptu, a tithiang intu, a leiram rak pal dahtu, leitlun kilkip ih um pawl khal a ko khawm in a sihcih zet.

Comment tu le ngaitu tamzet in, a mawi an tithu le Falam in an thinlung alak zet thu khal an thlah cio.

Ngai ngah hrih lo hrang YouTube le Facebook page in thlah a siih a hnuai pag le Link ah rak lut in na rak ngai thei.

Hi thuthangngan a si tiang ah Chinland Today Page ihsi thlirtu mi 16.4K an siih shared tu 470, Like pektu 713 le comment tu 78 an um zo.#

Hinah:

https://www.facebook.com/ChinlandTodayMedia/videos/1338505249503363/

YouTube

https://www.youtube.com/watch?v=vVVf944zSeY

“FALAM”

Phuah : John Lsl

Sancem tiang hmunseh, Duhdawt mi Falam.
Hrinhniang na fa za in, Thlaza kan cam Maw Falam.
Minung lakah, minung pakhat sinak i nei tertu,
Hih leitlun ah, dinhmun pakhat i pek, i co tertu

Pre chorus:

Rinumnak, Dingfelnak thlasuah cotu na si,
Thleidangnak iksiknak hmuahhmuah dotu na si.

Chorus:

Maw Falam!
Ruun inn nuam ah tonsalnak ding caan tha,
Na tefa rual in kan hngakhlap ee
Maw Falam;
Duhdawtnak hla lungrualten kan sak ding,
Na na na na, na na na, na na na…
Sancem tiang hmunseh, hringtu nu Falam,
Hrinhniang na fa zain, Thlaza kan cam Maw Falam!

Bridge:
A liamzo mi kan suulhnu hei cuan sal tikah,
Rinumnak, dingfelnak, ralthatnak thawn;
Pupa pawl ih thisen le mitthli thawn an humhim.
Sancem tiang hmunseh, Duhdawt mi Falam.
Hrinhniang na fa zain, Thlaza kan cam Maw Falam.
##

(Visited 199 times, 1 visits today)

Comments

comments

Comments

%d bloggers like this: