Falam Puaipi Hla “FALAM” Myanmar Rampi Hminnei Hlasaktu Pawl In Sak

Falam puaipi hrang ih hlapi cu Myanmar ram huap hminnei hlasak thiam mi 5 pawl in an sak ih a rei hlanah tlangthannak neih a si ding. Hi hlapi hi Chin mi lakih hlaphuahnak lamih hminnei rampi huap milar, Salai John LSL in “FALAM” tiin a thulu bunin a ngan mi a si.

“Kan Falam ih sinak le dinhrampi a si mi, rinumnak, zawnruahnak, Lainatnak pawl, Ziang mi si FALAM ti mi pawl a tel” tiin hla phuahtu Salai John LSL Cun Chinland Today Media thawn biakawknak ah a sim.

Hi hla hi Chin band lakih hminnei Desert Rose Band pawl in an tum ding. Hlasaktu ding pawl tla cu, David Lai, Dika, Israel VSL, Sung Tin Par le Mai Kimmy pawl an si ding.

“A hlathlûk le a hlafang pawl hi a tumtu hrang ahcun lung a lut lawlaw, in neh zet ih thazaang thar le ruahnak thar mi a pek nasa” tiin Salai Cung Awng, Desert Rose Band ih Guitar tumtu cun a sim.

A rei hlanah mipi pawl sak thei dingin online ihsin tlangthan a si dingih, Falam Puaipi hrang khalih hlapi a si ding zum a um zet.#

(Visited 218 times, 1 visits today)

Comments

comments

Comments

%d bloggers like this: