Falam Puaipi February 20-22 Ah An Thawn Sal

Falam Khawpi

Falam puaipi hman ding ni 18-20 February cu Chin ramkulh tlangawi pawl thawi reltlannak le rampi uktu pawl ih dinhmun, ramleng ihsi tlungtu ding hrekkhat ih rem can dan le thuhla dang tete ruangah February 20-22, 2017 ah nei dingin an thawn sal.

“A ni kan thawn salnak san cu a vei 69 nak Chin National Day ah Myanmar ramdingkhawm uktu lu pawl in hmang dingin thuhla a um ih cumi hrangah kilhimnak pawl hrang timtuahnak a umtheinak ding hrang a tul ruangah a si. Cun Chin National Day thluh hnu ah Falam fahniang ram le ih suakzo tu pawl thawn caan nuam le sunglawi sawn ih kan hman thei ding ruahsannak pawl thawn kan thinnak a si” tiin Falam puaipi cangsuak committee ih thuhla thantu le tawlreltu Mai Veronica Nisiangpar cun Chinland Today Media hnenah a sim.

Cangsuak committee ih thuhla rak tawlrelnak ihsin a hmaisabiknak ih an rak ruahhman mi ni khal hi tu ih a thawn sal mi ni a rak si. Asinan Chin ramkulh tlangbawi pawl ih man remcan lonak ruangah December 2, 2016 ah February 18-20 tiang hmang dingin an rak rua hman salnak cu a si.

Asinan January 5, 2017 ih Chin ramkulh tlangbawi pawl le cangsuak committee pawl thurelnak cun February 20-22, 2017 ah hmang dingin an nemhnget sal a si.#

Comments

comments

Comments

%d bloggers like this: