Falam Pengthen Khuangli Khua Ah Computer 5 Bun Ding

photo.php

Tlanghna tuantu mipi pawl

Mai Daidim
Chinland Today Media

Khuangli: Khuangli tefa USA um pawlih khawkhannak in Falam pengthen Sim Ram khawpi Khuangli khawsung ah Computer panga an bun ding.

Khuangli hi Falam ihsin peng 15 a hlatnak hmunih um a si. Hi computer hrangah USA, Australia, Malaysia, Singapore, Aizawl ih um pawl Khuangli tefa in sumpai thawhkhawm in an tanta mi Khuangli khawsung um pawlin leitlun dinhmun hmuban ve ding duhsaknak ruangih Computer tum an si thu Khuangli Thansonak Pawlkom, President Pa Uk Hre in CT hnenah a sim.

Cun a retnak inn khal 16’ 10” in sak a siih himi computer retnak ding inn hrangah Laikhua hlumtu in inn khat 1000, Khuangli Thansonak Pawlkom , sungtel pakhat in 5000, Khuangli tefa acozah hnatuan pawlin mah le ti thei tawk le Khuangli zirsang Pawlkom ,Lairawn,Kalay Myo ih hohatnak in ramsung um mi khuangli tefa pawl khal mah le tithei tawk ih bawm aw ton dingin ttan an la rero.

Computer Retnak ding Inn

Computer Retnak ding Inn

‘A retnak inn kan sak theh fel a si le Computer khal ret cih a si dingih Printer khal nei thei dingin tumtah a si hlei ah leitlun pehtlaihawknak Internet khal bun dingin tumtah a si tiin Pa Uk Hr

e cun a sim.

“Kan tumtah vek in kan tuahsuak thei a si ahcun kan ni vek ziang thiam lo le ziang thei lo khal kan hmuhnak le kan theihnak a kau dingih ram leng um le hmun dangdang ih um mi rualpi pawl khal kan um hmun ten kan hmu thei dingih kan biak aw thei thlang ding” tin a lungawi tuk ih a phur dan tla a sim bet.

Tualsung mi pakhat cun “kan khua ih hivek um ding hi keimah pakhat ahcun ka lungawi dan ka sim cawk lo. Kan nauhak pawl hrimhrim in an thansopi ding. Kum Upa nauta ti lo in kan thansopi zet ding, asinan khatlam ahcun in cokbuai tertu khal a si thei’ tiin a sim ve.

“Nauhak hrangah cun a tha lawlaw, asinan kan thangso kan ti veten halhsikawknak a um pang a si ahcun buainak in suahpi ding” tin Khuangli Mino Pawlkom , Secretary Pa Van Uk Lian cun a sim.

1608548_566173323470676_1109375188_n

Khuangli hi anmah bulpak ih tanlaknak lawng si loin acozah lam khal in bomnak an dong rero zo. 2012 tthal sungah acozah bomnak in motor zin ceh suak a si zo ih 2013 thal sungah acozah bomnak thotho in tlawng inn khal a thar in sak sal a siih 2013 kum thotho ah suakthuan tlawng then khal pek an si. Unicef ih bomnak in tualleng tlawng khal a um zo thu theih a si.

Khuangli hi inn 500 khua tiih rak theih larzetmi a rak si dah nan atu ahcun inn 60 fang lawng an tang. Atu hi computer retnak ding inn sak le Zathlir thawi an karlak Bike feh thei dingin an ceh rero laifang a si. Hi Khuangli le Zathlir karlak Bike zin cehnak hrang khal ah Human Rights Commissioner Pu Khuah Thio cun ‘A hram ka lo ttohsak’ tiin sumpai Kyats.500000 a bawm ih an khawhnih in an cek rero lai. ‘Kan tonawknak ah kan tong aw ding’ tiin mai’ khawhnar veve in an cek ih tawk fang nawn an cek suak zo.

Cun, himi zin an cehnak ah cianh-khain-zi pawlin lakphak thlum am awmsak ttheu. Pu Khuah Thio cu FYC ah Falam a hong so ih Khuangli le Zathlir khal feh a tummi asinan tufang Lailun zin kattaya an burh laifang a si ruangah motor a feh thei loih a harhdamnak ruangih Bike to thei dinhmun a si lo ruangah Khuangli khawbawi le Zathlir khawbawi cun Falam ah an vong tong tiin Khua mi pakhat cun CT hnenah a sim.

Comments

comments

One Comment

  1. Pingback: Falam Peng Khuangli Khua Ah Computer Bun Ding | CNH

Comments

%d bloggers like this: