Falam Peng Lunghawh ah BFST (tthen) Ong, Sibawipawl in Mina 174 Man La lo in Tuamhlawm

Chin ramkulh, Falam pengpi, Falam peng sungih Lunghawh khua ah Bulhram Fimthiamnak Sang Tlawng (tthen)/ Basic Education High School (sub) cu February 4 zinglam suimilam 10 ah on a si thu Myanma Alinn thuthangca in a tarlang.

Tlawng on puai ah Pengpi uktu U Soe Tint, Pengpi fimthiamnak zungbawipi Pu Naih Awng, Sang Tlawng (tthen) ih Tlawng sayakyi le khawbawi pawl in hri mawi cehcatnak an nei.

Cumi hnu sun suimilam 12 ah Sang Tlawng (tthen) pindanpi ah mipi hnenih theih ttul mi fimthiamnaklam thuhlapawl simnak tuah a si ih Pengpi uktu U Soe Tint in Lunghawh hrangih Sang Tlawng an tawlrelnak san, Pengpi fimthiamnaklam zungbawipi Pu Naih Awng in tlawngtapawl ih fimthiamnak hrangah an tawlrel mi pawl thuhla, Falam Senpi Zato ih sibawipawl in harhdamnaklam, Pengpi Palik Zung ih hotu sang Hla Than in rittheihsii do-khamnaklam, lamzin daan thlundan ding le umhmun tthawnawknaklam (immigration), le hmat-pung-ttin zung hotu Pu Khua Za Kheng in 2014 mipum siarnaklam thuhla pawl an sim hai.

Cumi hnu ah Lunghawh Sang Tlawng (tthen) ih Calaibuuk hrangah cabu le journal phunphun le sumpai kyat ting khat pekhlannak an nei ih, Falam Senpi Zato ih sibawipawl in Lunghawh le a kiangkap khua ih mina 174 pawl man la lo in tuamhlawmnak an nei. Lunghawh Sang Tlawng (tthen) ahhin Lunghawh le a kiangkap khaw riat ih tlawngtapawl tlawng an kai thei ding ti khal theih a si.

Kianghrol Hmingte
(Visited 383 times, 1 visits today)



One Comment

  1. Thanks , I have just been looking for information about this topic for ages and yours is the greatest I’ve discovered so far. But, what in regards to the bottom line? Are you positive in regards to the source?|What i don’t understood is in reality how you are now not actually a lot more well-favored than you might be right now. You’re very intelligent.


%d bloggers like this: