Falam Peng Khaw 16 Chinland Today Media In Bawm Thok Ding

11868738_10204296969015256_948676494_n

Bawmnak Pek ding mi pawl

Yangon: Nikhua sia ruangih harsa tuar pawl bawmnak dingah Yangon ih sibawi hrekkhat lak ihsin Dr. Kyaw Hlaing Win tei’ group SYNERGY, Dr. Khin Ya Wai Aung tei’ rualpiza, Dr. May Moe Nwe tei’ group tipawl cun Falam pengkulh khua 16 pawl hrang bawmnak Chinland Today Team ah an pe ih a rang theinak bik in Falam lam ah kuat ih tawlrel dingin le bawmnak dangdang khal CT Team cun pek thok a tum.

Tui a veikhatnak hrang ih bawmnak an pek mi; Siti bur – 200, Ngapih phombr – 250, ngabur – 200, cawhrawi mi hmeh bur – 1, Cream Cracker a bawm tum ci – 150, sathau mei (32) bawm 200, Gas meisa – 200, Gas rualsuannak le gas bur – 3, Datmei a tum ci tlep 3, Datkhat – 720, tidai retnak belsin – 32 pawl cu Yangon ih Chinland Today Team palai Salai Joete hnenah an pe fel zo.

Hi mi hleiah Mongwa ihsin fang dip 100 lenglo anpek mi khal lak ding a um hrih laiih, ‘Chinland Today Team pawl ih tawlrelnak in Mongwa ih Falam Phunsang Tlawngta Pawl in kan rak tawlrel ding tiah’ Salai Thawg Thawng, Chinland Today Team, Tahan cun a sim. A veikhatnak hrang bawmnak pek ding mi pawl ahcun Falam Mino Pawlkom pawl ih data an lak miih khaw thawntul timi khaw 16 pawl pek an si ding.

Chinland Today Team in step 4 in cangvaihnak kan nei ding. A hmaisabik ah khawthawn tul mi pawl bawm theitawk bawm, step 2 nak ah dawhhna siatral mi pawl, step 3 nak meisa cet siatsuahnak hmun le step 4 nakah loram siat cem ral mi pawl hi bawm theitawk bawm in cangvaih pinak a nei ding tiah Salai Jesse Pen Lewis cun a sim.

Chin Relief Committee Falam le pawlkom dangdang pawl ih an cangvaih dan zohin, a cang theitawk bawmnak pek thei ding cu kan tumtah mi a si titla in a sim tel. Chinland Today Team hin Falam penkulh hrangah le Hakha ih riahsia hrangah fang dip 200 le sumpai ting 10 lenglo in bawmnak a rak pek zo.

Falam pengkulh ih khaw thawn tul ding tiih an timi, khaw 16 pawl tla cu :-

  1. Haimual
  2. Khengkang
  3. Khuangli
  4. Laizo
  5. Sumhrang
  6. Thungthul
  7. Tili
  8. Tlorzan
  9. Vomthluk
  10. Zathlir
  11. Zathlir – Bangla
  12. Thanhniar(N)
  13. Thanhniar(S)
  14. Baila
  15. Kalrawn
  16. Duhmang
Salai Joete in bawmnak a lak lai

Salai Joete in bawmnak a lak lai

Salai Joete mawtaw

Salai Joete mawtaw

(Visited 156 times, 1 visits today)

Comments

comments

Comments

%d bloggers like this: