Falam Peng Ah Zinghnam Ralpi A Tho

Falam peng hmun thum ah zinghnam ralpi a tho ih lo rawlsuak nasa zetin an ei ruangah meithal thawn do an tul tiah khaw hlumtupawl cun an sim. Zinghnampawl cun lo acres 2.8 ih kau an ti siat zo. Lo rawlsuak pohpoh an ei siat theh.

Kan dung July 15, 2010 ihsin hi zinghnampawl hi an luar. Lo neitupawl cun zinghnam tuur an hmang nan arpawl le inn rannungpawl hrang ih a tihnun ruangah an hmang ngam sal lo. Zinghnam si packages khat ah Ks 500 ih lei a tul ruangah mi tampi in an lei theilo. Curuangah zinghnam thahnak ding hrimhrim ah tuahcop meithalpawl an hmang tiah FBA sung tuan Pastor Nun Lian Thang in a sim.

Khawsung mipipawl ih sim daanvek asile, pamnak thlentu zinghnampawl hi zinghnam danglamzet an si. Mi ttih khal an nei lo. Lungto ih kan den khalle a rei hlanah an rak kirsal thotho. Minung hman an ti lemlo tiah an sim.

Cun, hanghnah hangrah le lo rawl an ei tikah a zaten ei lo in a hrek khat lawng an ei ih cutin khawm thalo in an tan ta tiah an sim bet. Hi zianghnampawl hi a rei hlanah cun khawsung lam tiang an luh ding an zum thu khal an rel tel bet. Zinghnam do ding rori ah sungkua 100 lenglo cu nitin an caan an hmang liam.

Lo then khat cu zinghnam ei theilo ding ah ralrinnak an rak tuah cia a sinan hi an tuahmi ralrinnak cun an lo rawl a pasiat ter thei lawngsiloin rawl a suak tha nawnlo ding tiah an thu khal an tarlang bet. Chin ram ih pam thlen, a veikhatnak a si lo kan dung kum leh 2008 ahkhan  Hakha, Falam, Thantlang, Palatwa le Matupi ah nasa zetin a rak thleng dah zo.

2008 ih zinghnampawl an luar zet lai ah zinghnam si an hmansual ruangah nauhak 44 lenglo ih nunnak a liam phah ih mi 70,000 in harsatnak na menlo an tawng bet. Tui zinghnam tur le meithal khalih kham theilomi pawl hin rua le ei theihmi ziangkim ei siat vivo ding ah tan an khuar.

Hram: Mizzima

(Visited 59 times, 1 visits today)

Comments

comments

6 Comments

  1. Zinghnam thu hla thawn peh par in , fam kin deuh lo in ka ruat.
    Zing hnam a tam zet ti thu lawng in sim , zinghnam nih ziang mi khua pawl a siat suah ti thla rak ngan thei aw ka a tha zet ding.

    Thanks for your report about rats that has been destroying crops , vegatables of several farm in falam township. Could you please tell us more about the name of places /villages that have been destroyed ..?

  2. Lal Ram Nun Thar says:

    Kan dung thla khal ah Nyi Pay Daw lam in Yangon lam pan zing hnam tam pi a um thu kan thei zo. Chinram ih cu ti buaipi tul ih a um lala cu mang bang za asi. 2008 bang in pam nasa pi a thlengsal ding a phan um nasa. Laimi kan sual tuk ruang ah cuti kha ti tih lam ih zuam aw lawn, ziang tin kan kil aw thei ding tih hi ka thei fiang a tul sawn in ka thei. Kan sual ruang ih Pathian in in hrem asi khal le ngai thiam dil in kan fim khawm aw sawn keu uh..

  3. zinghman in chin ram ansiat suah zia insim ihlung awithlak zet
    asinan khui tawk khua tak ah an siat suah ti in sim lo ah cun
    lun ahar zet . khua hmin kan thei duh si cu zang fah ten

  4. thuthang nan ngan tik ah famkim leh thu hla fiang tei khui tawk ah ziang tik in ti pawl a hmun famfim tei nan rel thei lo ah cun thuthang ah run suah nawn hlah uh. a siar khal a paih um lo ih nan thuthang siar sal ding khal a phur um nawn lo.

  5. tluangkiptawng says:

    zing hnam ih siat suah nak khua le hmun pawl hi na sut nak a rei zet zo nan ziang hman reply a um chuang lo . thu ohat , phuah chawp thu hla men asi.hi mi webside leh an thu tar hi ka zo in ka siar nawn dah lo ding bye bye ( Chinland today) forever everka lo siar dah nawn lo ding.

  6. Kan ram thuhla ah khua ka ruat theu mi chu hitin a si. Thu fiang lo ih kan mipi thu kan sim tik ah apawilo abang mi kha a poi tuk tin rel ka duh. Cun sim siang lo mi kan neih sung hi cu kan hnatuan nak a diklo ti lang ter tu an si theu. Cang thei sehla Falam nati mi te in ka lung ikuai ve ih ruang ah khuinah fangte ah a cang mi a si ti in sim fiang thei aw a tha. Arang theibik in tarlang ding in ka lo ngen a si. Cutilo ah cun maw hih thu tar lang nak chinland today hi thuphan ah an puh ding ih kan na tuk ding. Thuphan webside ah a cang pang ding ti ka phang zet.

Comments

%d bloggers like this: