Falam Peng ah Inn An Cim

NiNU SENHRi | November 17, 2009

falam-khaw-sung-from-vankau3Falam Peng ah kan dung October kar khatnak sungah ruah a cen ciamco ruangah lei min, inn cim, inn siat le mithi an um hnuaihni ti thu kan thei.  Falam Khawpi sungih Mai Lal Rin Thang @ Nu Thang tei inn cu Oct. 05 zing, 04:30zg hrawngah cang cim in a nen ih, an inn cu zinpi parah a tlu, a sawprawp thluh.  An insang ah mi 6 an um ih, mi 3 cu damten an um ih, a dang 3; Pi ?ha Lian Kai, Nu Ro Thang Mawi le Cung Len Thang cu sizung an kai, nan tu ah cun sizung ihsin an suaksal zo.  Hiti ih inn a cim pekah an innhnenpawl cun an rak thei lohli lo, ruah a tah tuk ruangah ?ek tla ah an ruat men hai.  Sathatpawl vak in an hmu ih, an innhnenpawl cu an sim.  Chin Ram uktu General Hung Ngai le Bawi upapawl, le Falam Khawnu Khawpa pawl khalin an veh hai.  Cun Falam Khawsung, Pu A Ving tei inn thlang Hrang ?hio bualrawn zin tla lei min in a khuh thluh ih, Falam khawpawh in tlang hna an ?uan ciamco.

Cun Oct. 06 zing ah Falam Peng, Sih Tui Khua ih Pu Zung Pum Thang tei inn khal lei min in a nen thluh ih, an fa 2 le tupa 1 an thi.  Khuaimual Khua khalah inn pakhat cu a ?hawnaw ih, inn 3/4 lai cu an khingkuai thluh.  Cun Lumbang Khua ih tlawnginn le Parte Khua ih tlawnginnpawl tla lei min in an siat hnuaihni ve hai.  Cong Heng Khaw kiangih Falam Hydro Electric tikawng tla lei min in a silh thluh ih, Cong Keng khawmipawl in tlang hna ?uan in an huat ciamco.  Hiti ih harsatnak tawng Khuapawl khalah Falam Peng Hotupawl cun va veh in bawmnak tete tla an pe phah hai.  Hiti vekin lei min ih, inn cim hi tui hlanah theih dah a si lem lo.  Falam Khawsung le Falam Peng Khaw dangdang ih inn tamtak hi hmun hrap deuh ih sah mi an si ruangah mi tamtak cu an thin a phang phah zet.

++++++++++++++++++++++++++++++++++++++++++++++++++++++++++++

Yangon ah Chin Pawlpi Kum Thar An Hmang

NiNU SENHRi | November 17, 2009

Chin Social Welfare Association, Yangon [CSWAY] ih tawlrelnak in Chin Ramkulh sung Peng zate kawmkhawm “Chin Kum Thar” cu October 31 ni, zing 09:30zg ihsin sun 02:30zn tiang MBC Hall, Lanmadaw Tsp. ah ropi le hlunghlai zetin an tuah.  Dr. Zaw Win ih thlacamnak in can thawh a si ih, upapawl hmeltheihtirawknak an neih hnuah CSWAY Hotu Pu Khuang Ling in thusimnak, CSWAY Sung?uantu Pu Dai Thong in thuthannak an nei.  Cu ?hehin Peng/pawlkawm tin; Matupi, Mizo, Falam, Asho, Tedim/Tonzang, Hakha/Thantlang, Kanpalet, Mindat, Paletwah ihsin Chin nunphung lam phunphun hmuhnak le pawlkawm tin ihsin fala/tlangval khuah feisin hmuhnak an nei.  Cun Peng/pawlkawm tin ihsin zaithiampawl in awnmawi le hla thawn mipi an awi peh vivo ih, palai upapawl ih kawmkhawm lamnak in can an ti cem.

Tui ?um ah mi 2000 leng an suakkhawm thei ih, Mai Thet Mon Myint tla ra in thusimnak tawi a nei ve.  Falam Peng aiawh in Ceretlawh lam, feisin hmuh le hlasak [Susan, BJ, Ma Kim] pawl hi FPMY an si ih, an ti?ha hai zet.  Tui ?um hiti vek Chin pumpi huap ih tuah mi kum thar puai hi a hmaisabiknak a si vekin mipi khal an nuamtlang hai zet.

+++++++++++++++++++++++++++++++++++++++++++++++++++++++++++++

Chin Rock Elbam Thar – LUNGRUALNAK PAR – A Suak Cing Ding

BF Media Group | November 17, 2009

Ma Ruat Poster [Resized for Ad]

Salai Ma Ruat

Lungrualnak Par

Music:
MOSQUITOS

Guitars : Van Gyi
Drums : Julian
Bass : Van Van

Arrangement : MQT

Tum Bawmtu/Keyboards : Van Hup

Hla Phuah:
Lal Nei Mang [Salai M], Kurbungbel, Zunphir
Van Gyi, Julian, Salai Ma Ruat

Studio : Pro, JLJ [USA] Mixed & Mastered : Myint Zaw

Backing Vocals : MQT, Lal Cung Luai [USA]

A Suahtu : Lal Nei Mang [Salai M]

A Suak Cing Ding

(Visited 89 times, 1 visits today)

Comments

comments

One Comment

  1. samueltuanneithang says:

    hi ti vek ih tuah thei cu a thatuk hmai lam ah zuam sinsin ding kan si

Comments

%d bloggers like this: