Falam Pathian Rongbawltu Zaten Thlacamkhawmnak Nei Ding

Falam khua vankau sizung ihsin

Salai V Bawi Lian

Falam mi le sa Pathian hnatuantu zaten hmunkhat ah Pathian biak khawmnak an nei ding. Falam puaipi densen in hi thlacam khawmnak khal neih a si ding. Chin Baptist Association, North America (CBANA)ihsi khalin palai pawl an tel pi ve ding.

Falam puaipi densan in February 19, 2017 sun, zarhpini ah Pathian biak khawmnak le thlacam khawmnak hi neih cih a si ding. Hi thlacam khawmnak hi Falam Christian Fellowship; Falam ih kawhhran tin komkhawm pawl in an hoha ding.

‘Hi tiih kan tumtahnak san khal thildang siloin, Pathian hmunkhat ih kan biak khawm theinak ding le hmailam caan ah thazaang thar kan suah khawm theinak ding ruahsannak in asi.’tiin CBANA sungtuan, Rev Sa Tin Lal cun Chinland Today Median hnenah asim.

CBANA, USA ihsin palai 12 tluk an tel ve thei ding tiin thu kan dong ih, Lairawn le laitlang hmun dangdang ihsin rongbawltu zate khal sawm an si tiin thu kan dong.

Thlacam khawmnak, Sunday sun khawm ah Dr Awng Mang in thusimnak an nei ding. Mi khual hmuah pawlcu FCA mino pawl in tuanvo an lak ding.#

Comments

comments

Comments

%d bloggers like this: