Falam Pacangno Pawlkom In Pialral Mawṭaw An Lei Sal Tum

Falam: Falam Pacangno Pawlkom (FPNP) pawl cun thihloh nikhua le tonhruak natnak pawl hrang olsamte ih mipi an bawm theinak dingah tiin Pialral Mawṭaw (Ambulance) lei sal ding tumtahnak an nei. FPNP hotu Pa He cun, “Kannih pawlkom cu mai’ hlawknak hnak in khua le ram hrangah pumpek ih hnaṭuan ding phun a si tikah sungtel si theinak rikhiahmi kan kan nei lo” tiah Falam ih nitin thuthang the Chiland Herald hnen ah a sim.

FPNP cun thihhloh ton caan le aanhai caan hrangah tiin pialral mawṭaw le minaa phurnak mawṭaw 2 an nei ih palik zung kiangah zung khal ṭha te’n an nei. Asinan tui an neih cia mi cu remṭul dinhmun in a um ih a remnak ding le a thar lei ding cu a thlau aw tuk lo ruangah mawṭaw thar lei dingin an rel catnak cu a si. An sungṭuan Salai Cung Uk Peng in, “sungtel pohpoh in thlakhat ah ks.1000/- kan khuan dingih pialral mawṭaw driver kan ret tum, harsat tongin bawm ṭulmi a um si le nazi 24 sung ready thei dingah kan zuam tum” tiah a sim.

Mawṭaw leinak hrangih tiamkam a tuah zotu pawl cu: Pa Lal Tin Hup ting 5, Pa Van Lian Hmung ting 5, Pa Sui Hre ting 5, Pa Van Lian Sang ting 5, Pa Min Kyaw Naing ting 5, Pa He ting 5, Pa Cung Uk Peng ting 5, Pa Siang Bik ting 5, Pa Hlawn Lal ting 4, Pa Val Cung ting 3, Pa Lian Hlun ting 1, Pa Zaw Zaw ting 1, Pa Sum Aa ting 1, Salai Lal Uk 50,000/- le Pa Johnny 30,000 pawl an siih ting 50 luan a kim thlang tiah theih a si.

Falam Pacangno Pawlkom (FPNP) cu 2014 ah rak dinmi siin tukum May thla cem ah tharthawh saalnak neimi Falam khua hrambun pawlkom pakhat a si. June 11 ni ih FPNP pawlkom meeting ah sungtel sinak form pawl ap a siih atu ah mipum 68 an kim thlang tiah theih a si.

Comments

comments

Comments

%d bloggers like this: