Falam Leikak Ruangah Inn Nga An Ṭhawn

Falam ih Tlanglo veng, tluntazin ih lei pawl an kak ruang ah a kiangkap ih umtu inn 5 pawl cu tui ni ah ṭhawn awk tiin thu kan dong. Hi inn nga ṭhawntul mi ah innsang 11 an um.

Inn ṭhawn ṭul mi pawl cu Pu Tluang Tin Dim inn ah innsang 2, Sayamah Iang Cin inn ah innsang 2, Pu Ṭuan Hmung inn ah innsang 1, Pu Hrang Sel inn ah innsang 3 pal an si tiah kan thei. A bese deuh mi le ṭhawn tum mi Pu Run Ro Thang inn ah innsang 3 pawl khal an um bet hrih.

Thuhla kan don dan in inn ṭhawn zo mi Sayamah Iang Cinn in hi July 13 zaan nazi 8:30 hrawng ihsin a mahten a kak thok. Cutin zing ah mallai a kakbet. ‘Tlawng ka feh ah mallai a kak, sun ah a kak bet ih cutin kan ṭhawn’ tiin saymah cun a sim.

Tui a kaknak san cu a thlanglam ih cangdawl mi ruangah a si tiin theih a siih, hi tiih a kak ding thinphan ruangah hih cang pawl hi dawl dingin ṭuanvo neitu hnen khalah vei 3 lai dilnak a rak nei dah zo thu khal sayamah cun Chinland Herald hnenah a sim.

Leikaknak hmun hi Tlanglo veng, Tluntazin Thet Mont Purang thlenhlan te a siih a kaknak sanbik cu a thlanglam ih cang lainak ruangih dir mi asi ding tiah zum a um zet.#

Comments

comments

Comments

%d bloggers like this: