Falam Lai Kumthar Puai (Salai Za Uk Mang Cup) Lehpannak

Lal Din Pui
Chinland Today
20 October 2012 

Falam : Falam  Baptist Church Youth Fellowship (FBCYF)ih hohatnak in Lai kumthar Lehpannak (Salai Za Uk Mang Cup) cu October 8-20,2012 sung Falam lehpannak Inn le  Hrang Ṭhio bualrawn ah tuah a si.

Onnak puai cu October 8, 2012 , Hrang Ṭhio bualrawn ah Salai Za Uk Mang ih Pa Pu Khua Ṭhio in onnak le thu tawi simnak a nei. Hi lehpannak ah Team (8) Zinghmuh, Lailun, Ai-kawn, Surbung, Muleng, Rihli, Laili le Buannel pawl tla an si. Lehnak Item pawl tla cu Football, Volleyball (pa, nu) ,Caneball, Tennis, Table tennis (pa, nu), Badminton le Tlanzuam (metre 1500 ) tla telh an si .

Lehpannak ah khawsung mi le Falam peng sung um mino sawm in leh a si. Sun hlan sung hmuahhmuah cu lehnak inn pi ah leh a si ih sun hnu in Hrang Ṭhio bualrawn ah leh a si. October 17, 2012 (Nithum) sun ah Football lo hmuahhmuah Final leh ṭheh a si . October 18, 2012 (Nili) ah Zinghmuh le Laili football final an lek ih 5-2 in Laili in a pakhatnak a ngah.

October 19, 2012 (Ninga) Lai Kumthar puaipi cu zatlang innpi ah hlunghlai zet ih tuah a si. October 20, 2012 ( Zarhte ) Lai Kumthar thilzuar puaipi cu Lehpannak innpi ah tuahnak neih sal a si.

Falam mipi ziang maw tizat suak khawm in hi lehpanzuamnak le Lai Kumthar cu hlunghlai zet in an hmang khawm.

(Visited 196 times, 1 visits today)

Comments

comments

Comments

%d bloggers like this: