Falam Kum 125 Kim Lawm Ding An Tiimlam Thok; Tuanrel Upa An Hril

14045754_1184877251532831_8227435227390832141_n (1)

Falam kum 125 kim, Falam sizung kum 100 kim le Chin Phunpi ni pawl hlunghlai zet ih lawm a si theinak dingah Falam khuanu khuapa le pawlkom dangdang pawl cu August 20, 2016 ah tongawk in tuanrel committee pawl hrilnak khal an nei cih. February 20-22 tiang nithum sung hmang dingin an rel cat.

Tuanrel upa mi 31 pawl an hril ih an hrilsuah mi 31 pawl khalin hotu upa hrilawknak le thuhla tawlrelnak lamih tuansuaktu ding cangsuak committee 9 pawl khal an din cih.

Hotu 3, Sungtuan 3, Sumkil 3 tiin an hril ih an hotu pawl tla cu, Pu Hrang Lawm Thang Pu Tuak Sang, Pi Lily, Sungtuan pathum an hril mi pawl cu Pu Khuang Hnin, Nhngepi Thian Uk Thang, Pu Run Herh, le sumkil pahtum an hril mi pawl cu Pu Zung Bawi Pum, Pu Kep Ir, Pu Mang Lian pawl tla an si.

Subcommittee 9 an hrilbet mi pawl cu; Fund raising, Decoration le hmunhma, Lepan le nuamnak, Nunphung le entertainment, Magazine, Thuthan le record, Humhual, Phurh-thiar, Harhdamnak pawl tla an si. Himi cangsuak committee pakua pawl ah sungtel mi 5 ihsin 10 cio tel dingin ruahmannak an nei.

Hi mi hrangah sumpai le mipi thazaang tamzet a tul ding ruangah ram leng le ramsung um mipi zaten thazaang suah ih tuan khawm a tul dingih an hmalaknak pawl khalah theitawp bawm cio ding khalin upa pawl cun an sim.#

Ref: The Chinland Herald Daily

(Visited 175 times, 1 visits today)

Comments

comments

Comments

%d bloggers like this: