Falam Khawpi Tidai Laknak Hrang MMK 5 Billion Cem In Laiva Ti Lak Ding; Chin Ramkulh Tidai Harnak A Ti Dem Ding

Salai V Bawi Lian

Falam khawpi le khawmpi kaugter mi Lungpi tiang ih daih thei dingin Laiva ti lak dingin Chin Ramkulh Chief Minister Pu Lian Luai le ti dawhhna laknak ding hrangih mithiam pawl in Laiva zohfelnak pawl relkhawmnak 22 March, 2017 ah an nei tiin thu kan dong. Tuikum ruah ti a tam hlan; Fur pi hlanah theh thei ding in hnatuantu ko an tum.

Himi hrang hnatuantu ding dilnak (tender) dilduh hrang ih ni netabik ni tiih an rikhiah mi March 19 khal ni 25 ah an thawn. “Fel le ttha zet in, mannei zetin, timtuah le ttuansuak dg an duh ruangah, timtuah survey and research nak caan an sau ter deuhmi a si.” tiin Falam Municipal Chairman Pu Dar cun Chinland Today Media in hnenah a sim.

Hi Laiva tihnaa laknak ding hmun hi Myanmar rampi president Pu Htin Kyaw in February 21 ah a rak haal ve zo. CM Pu Salai Lian Luai le a kaihhruai Vuanci Pu Vuikaw, Salai Isaac Khen le Pyine Directors le Falam DC le AD pawl in 20 March 2017 ah zohfelnak an nei sal ih a leilung an laih mi pawl khal an va zohfel sal.

Laiva ihsi peng 20 hla tiang a pe suak dingih Pipe 8′ tuum in tidai hi lak a si ding. Ti inn Gallon 100000 tingkhat tlem ti inn pali 4 pawl khal, Lungrang, Lungpi le Falam Vankau ah an sak ding.#

Zuk; CM Pu Lian Luai le a kaihhruai pawl in Laiva ti an zoh lai..

Comments

comments

Comments

%d bloggers like this: