Falam Ka Um Lai Ih Zan Khat Zan

Falam Ka Um Lai Ih Zan Khat Zan

Kabaw Deirel

Falam ka um lai ka vun ruat sal tikah zaan khat zan ih thil cang ka ruat sal theu ih ka lung a zur theu na sa. A thup te’n ka tap theu.

2011 July thla ah Falamkhuapi ah ka um ih tlawng ka kai. Zaan khat cu Cambary ah khuahar a um ruang ah ka va to pi ve. A ruak um lai a si ruangah zaan var atul ruangah a hrek in Buhhawp (sanpiuh) an suang ih a hrekih inn sung lam ah hlasak in kuahar cu kan to pi. Cu tin Guitar cu ka tum re ro ih zaan Nazi 11:00 hrawng ah ka ihhmu a suak tuk thlang ruangah leng ah ka suak ih Kamang bang tuk ah a tlu lo fang fang. Ziang ah tile a sung um hnak in a leng um kantam sawn.

Cu ti cun ka rual nu pakhat in buh hawp suang bawm ding in in sawm ih ka bawm hngai. Rei lo ah Mino tha tha mitsen nawn in le lu zing nawn in an ra supso ih  kan kiang ah cun an ra ih thu nuam an rel , a caan le  pakhat le pakhat an rauh awk ih an nuamawk na sa. Ka ruah mi cu ” A La……… inn sung ahcun mitthli thawn an tap rero si khaw ” ka ti. A rei hlan ah Zu ri ti pan cu an tong an el awk ih an namawk vur vo thlang. Cutik ah Inn tek pa a ra ih aw thum nawnin “Kan Inn hmai ah buai hlah uh feh uh” a ti hngai.

Zu ri ti pan an lun duh cuanglo cu ti cu a buai tu  khal an tam vi vo thlang. Pacang pi pi tla an tel thlang. Cu lai ah Ka rual nu in a aw neih sun in,”Nan veng ah fehuh, kanveng ah ra buai hlah uh” a ti. Cu hmu cun ka fiang mai Bualrawn veng pawl an si ih veng leh veng an buai ruang ah maw patling pi pi tla an tel ka ti. Cun ka rual nu nih cun, Ka hrang ih rehsiat za thil pakhat a tong suak cu mi ka theih cun ka thluk zik te. A tong mi cu “Falam cu Khuahar a um tinten hi tin Zuripawl an buai ring ring veng khat le veng khat an buai ring ring” a ti. Khua har to pi ding in inn ih sin kan pok nan khawhar to pi cu rel halh an hnai kan hnok sawn riangri hi cu a poi tuk, Thih le hlawh ti mi cu, zo ciau khal kan tong leh ding si khawh.

A poi tuk kati. Kan nau hak lai ih kan theih theu mi Falam Khaulipi ka hmuh le ka thlen voi khat nak ah hi vek thu thangsia tak ka thie cu ka ning han na sa.

Kum khat lai a liam zo nan ka hngilh thei lo a si ko.
A tu teh ziang bang lai kei maw?

(Visited 62 times, 1 visits today)

Comments

comments

Comments

%d bloggers like this: