Falam ih Pura Sak Ding Lungkim Lonak Tilang Thok

996559_156700491186361_222883058_n

Falam khua a san biknak hmun Vankau tlangih Pura sak dingih ruahmannak a um mi ah Chin mi pawl in lungawilonak an ti lang thok.

Academy Thet Mon Myint tiih theihlar Falam khua ih suak Kawlram ih lemcang thiam ih milar leh hming Mai Zung Cer Mawi ih suahcam lawmnak ih a thawh mi le Hmawbi phungki pa ih bawmnak thawn Thet Mon Myint cun Falam khua ah Pura milem sak dingin tumtahnak a nei. Hi tumtahnak a neih mi cu Global Falam Youth Organisation pawl in a hmai sabik ah ca in an duhlonak an rak ti lang ih a mah Thet Mon Myint hnen rori ah an rak kuat dah zo. Cutin Falam Phunsang Tlawngta Pawlkom Kalay pawl khalcun ca an kuat ve.

Cutiih ca ih an kuat men lawng cu duhtawn nawn lo in Leitlun ram tin thleng Chin mi pawl cun an duh lonak pawl cu tlang cabawm le tulai social network cakbik le larbik facebook lam hmang in nasa ten an ti lang thok. Chin mi ih mino umtambiknak Chinland Today Facebook khalah duhlonak tilangnak anneiih mi 150 lenglo in an duhlonak an phuang lang zo. An phuang lang bet vivo lai ding ih an zum thu, ‘tuhnak in mi an tam bet vivo lai ding ih a ṭul dan vek in hmalaknak kannei bet vivo ding, a ṭul ahcun signature campaign tiang khal kan nei ding’ tiin Chinland Today Facebook Admin pawl cun an sim.

Chinland Today Facebook ih an duhlonak langternak menlawng siloin No More Pagoda In Falam timi page khal tuah in mi 400 lenglo in an rak thlun zo.

Falam Bible lettu Rev. Dr Hre Kio khal cun hi thuthawn pehpar in, ‘zohman ih an lo telpi lo khalah keimah rori in ka lo telpi ding’ tiin mino pawl thazaang a rak pe hai ve. Hi thuthawn pehpar in Falam mino pawl in hmalaknak peh vivo ih neih ding an tum vivo. Hakha le Thantlang, Teddim mino ziang maw tizat khalin hi thu ah an duhlonak tilang ve in a ṭul dandan ih bawm awk tonding an tum thu khal Chin TV editor David Nun Tho hnenah an sim.

Falam peng cazin vekin asile tufangah mipum (43,032) an um ih, Falam khaw sungah mipum (8,000) lenglo an um tiin theih a siih Cumi lakah Buddha biaknak biaktu mipum (300) zik, Hindu biaknak biaktu mipum (48) le Islam biaknak biaktu mipum (1) an um. Culo cu a zaten Khristian biaknak biaktu lawnglawng an si. Khristian biakinn (30) lenglo a um ih, Buddha Purang (3), Phungki tlawng (3) le Phungki Numi tlawng (1) a um. Falam khaw sungih Buddha biaknak biaktu pawl hi Falam khawsuak le khawmi an si loih, ralkap, palik le cozah hnatuan pawl an si.

(Visited 138 times, 1 visits today)

Comments

comments

4 Comments

  1. we must come together to halt this plan. We will not let this happen. People who are stack holder must reconsider their action to allow this plan. May God bless the Chin People.

    • Yes, May the Lord Jesus Christ bless the Chin people and heal the Chin Land. Amen. We totally disagree this plan.

  2. Thet Mon Myint ih phone number tivek a thei nan um lo maw in rak sim hnik uh a tul dan dan in ka rak ti ding a ning hman zak lo in thih cilh a tul khal le ka rak ti mei ding zangfah ten in rak sim uh a address thawn.

  3. Mai Zung Cer Mawi ti hlah uh
    Thet Mon Myint ti men uhla ziangha lole
    Mah Zung Cer Mawi ti uh
    Mai ti a phu lo law law
    A hmel thawn
    A thei lai ding.

Comments

%d bloggers like this: