Falam Humhual Pawlpi In Bualpi Bawm

Salai Chin

Acozah in thazang hmangih an siatsuah mi Bualpi khua Refugee-pawl cu Falam Humhual Pawlpi Central hminin January 17, 2017 ni ah Fang dip 70 bawmnak an hei pe ti thu dawn a si.

Tahan ih um Falam Humhual Pawlpi hotupawlin fang an hei pek tikah Bualpi Refugee pawl cun hmun khatah kokhawmawin lungawi takin an rak cohlang. Refugee hruaitu pakhat cun, ” Pathian thlah mi ngaingai nan si, tu hi fang dip hnih lawng kan nei thlang. Kan ril a cat zikte in rak khelh cu kan lungawi tuk” tiin mitthli dum kelkelin a ti.

FHP Lairawn Vice President Pu Ngun Nei Mang khalin, ” Lungawi an thiam tukih pek vivo a phurum zet. Tilian tuar lai khan kawhhran hminin bawmnak kan pek tikah lungawi le phur taki in cohlangtu cu pek leh ding kan neih tikah kan thinlungah a um hmaisabik theu. Khawhrek khat cu an khua kan thlen hnu hmanah tthumawknak ding nei loih kan um cang a tam mai” a ti.
Refugee bawmtu Evan. Hrang Lian Thang le Pu Hrang Lian Kap pawlin an rak buaipi ih Mi 327 hnenah zarhtinte bangrep ih fangfai an zem ttheu thu an rel.

Bualpi khua hi acozah in Siyan Forest Reserve Zone ah an um tiih a siatsuah lai khan inn 570 hrawng a um ti a si. Kan dung nai Falam ih tawnkhawmawknak Falam Humhual Pawlpi in a tuah ttumah hi khua hi dinsal leh ding le a hminah New Falam ti dingih acozah lamah hma la dingin lungkimnak an nei.#

Comments

comments

Comments

%d bloggers like this: