Falam Hruaitu Pawl Sawisel Kan Tuar Ngam Lo Tuk Maw Si?

-Uk Lian

Falam pawl cu, an hruaitu pawl an sawisel ringring timi ka thei theu. Anmah hruaitu le hruaitu lak khalah an kee an phet aw theu timi khal ka thei. Himi pahnih ruangah Falam pawlin hruaitu fumfee neilo vekin kan hmu aw ding abang.

Mipi ih sawiselnak ruangah kan hruaitu pawlin, mipi an hruai duh nawnlo timi cu hruaitu pitling lungput a si in ka thei lo. Mipi sawiselnak ruangah hruaitu pakhat in a kaihhruainak a colhsan asi ahcun hruaitu pitling a si thei lo ding. Thimnak ah, Moses, Joshua le Jesuh pawl tla khi, sawiselnak hnakin an hruainak ding hmun thlenpi ding an thupit ih an colhsan dahlo.

Mipi an um ahcun hruaitu khal an um. Hruaitu an um ahcun hruaimi khal an um. Hruaimi an ahcun hruai theimi khal an um atul. Zovek miphun khalin anmah le tawk cio in, an mipipawl hruaikai theiawknak lamzin an sial theu. A that le a siat lam cu thu khat.

Kannih Falam hruaitupawl, mipi ih sawiselnak ruangah hruaitu pawlin, in thlenpi nak ding hmun, in feh pi duh nawnlo asi ahcun hruaitu Judah Isakariot kan si tinak a si. Siangpahrang David kha, Chin Organisation ih a tuanpi men siloin, a tlun ih Siangpahrang Saul rori in a kee a phet tum cu rel hlah, thah ding rori tiang in a vo. A si,  Siangpahrang David vek Israel Siangpahrang ah hruaitu hlawhtling an neilo ti khawp hial a si.

Falam pawlin, hruaitu sawisel tuar ngam kan nei lo sawn a bang. Obama le Trump an sawisel daan zia khi zoh hnik uhla, cuvek ih an sawiselnak ruangah an president sinak colhsan sehla, president an si ding sawm. Hruaitu an sinak dinhmun in an tuah dingmi an tuah ruangah minung tamsawn hruai ngah ah an cang ringring.

Falam Hruaitu Si Dingah Thusuhnak:

  1. Mipi hruai dingin ziangtluk active, regular na ngam?
  2. Na hruai ding mi na mipi pawl na theifiang maw?
  3. Hruaitu ti’h pom le rel na si hlan tiang na hlawh ngam maw?
(Visited 262 times, 1 visits today)

Comments

comments

Comments

%d bloggers like this: