Falam Chin Women Development Society

Ni 01-11-2008 ah Delhi ah “Falam Chin Women Development Society” dinsuak a si. Delhi ih  Falam Chin pawl hin duhvekin politic le  nunau lam hmaisawnnak dingah kekar lo in a thei aw ih ruangah FU(D) upa thuruat thiam pawlih tawlrelnak in le mipi tampi lungkimnak cun “Falam Chin Women Development Society” cu mipi tamzet puangkhawm aw in dinsuak fel zo a si. 

Hi FCWDS pawlin nasa zetin ram le miphun hrangah hna tuan an tum. A hleice in Delhi sungih kan Falam Chin harsa rethei bawm ding in tumtahnak a nei. Cun, Delhi ih Chin Falam pawl hi napin politics ah hmasawn dingin tan a la tum bet. Nunau cathiamlo le theinak tlasam pawl hrangah seminar tuahsak ding khalin tumtahnak sangpi a nei. 

Hrilawk ni ih mipi pungkhawm pawl cun a hnuailam ih tarlang mi pawl hi hruaitu dingah rinsan in an thlang suak. 

President       : Pi Hrang Tin Sung

Secretary       : Mai Laizo Cer Hngel

Treasure        : Mai Siang Tial

Member         : Nu Lal Nei Mawi

Member         : Mai Lal Hnem Par  

Hi hrilsuah mi pawl hin midang bawmtu ding an hril bet lai ding ih hna tuan khal an zem aw vivo lai ding. Cun daan hrampi khal an tuah fel lai ding.

Comments

comments

2 Comments

  1. Duhdawtmi FCWDS Nubu pawl,

    Nan thil ti daan tete hi ka zoh i ka lo lungkim pit ve ngaingai. Falam nubu pawl in Midang hrangah nun tam nei thei ding in le kan tong kan miphun kil khawi hi thu pi zet in tan nan la i ka lo upat zet. Falam fala pawl hin Falam tlangval pawl ih hahiau ding khop in mawi ding le tha ding in siseh(ziangah ti le a tlangpi ah falam mipa pawl hi an tha ih falam nunau lan tu an tam in ka hmu deuh, Falam fala khal in hnam dang kan uar deuh maw cu thei hlah), sankhat kan nun sung te ah Pathian hmin sunsawinak ding i tan khur la tlang in rualremnak nan tuah suak thei ding a si tin ruahsannak tumpi ka nei. Bawipan nan tumtah mi tlunah run lo mal sawm hram seh!

    Nubu a duhdawt ve ringring tu,
    EiThiang

  2. P.J.Enga ( Tin Hre ) says:

    hitivek ih NUNAU society din suak thei a si hi lungawi um zet a si.Kan Falam mi pawl hrang ah hnangam nak nai nai a si.Ruahnak pe tu Delhi ih Falam upa pawl par ah lungawi nak nai nai a si.Hamilam thanso nak dingah pathian in hruai vivo hram seh.

Comments

%d bloggers like this: