Falam Bible Daan Bu Pa 5 Suah Ding Thu In Mino Pawl A Cok Phur

11141109_410550095794465_2021036315021369392_n

Bibles International Myanmar Society (BIMS) pawl ih tawlrelnak in Falam Bible bu kim suah dingin timlamnak a um. Hi thuthawn pehpar in Dr Sui Lian Mang in Chinland Today ah Thuthlung hlun Bible bu 5 pawl tisinnakah suah a si ding thu a than. A Bible lehdan thu, a sung ih O le Aw le a thuhla pawl ah ziangvek a si ding timi ruat in Chin mino pawl cun fakselnak le an ruahnak pawl rel in a cok phur zet.

‘Kan Chin ṭong in Holy Bible suah a si zik thlang ih, ziangkhalle sĭnnak ah tiin Dān Bu pa 5 (Semtirnak, Suahlannak, Puithiam Hnaṭuan, Mipumsiarnak, Dānpeksalnak) hi suah hmaisa a si. A siar paihpaih hnenah alakih pek a si ih, a ṭong fehdan ṭhasin siseh, ṭongkam mawisin le ṭhasin siseh, culokhal hiti deuhin teh, khati deuhin teh a ṭha lo maw tiih in faksel le ruahnak in pe hram dingin ka lo ngen a si. Cun mi dang khal siar le fakselnak tuah dingin hih Dān Bu Pa 5 hi pe dingin le fawrhsin dingin ka lo ngen duh fawn.’ Tiin Dr Timothy Sui Lian Mang cun Chinland Today Media Facebook groups ah a thlah.

A sim bet nakah ‘Tuih kum sungah consultant thawi cek hi ṭheh thei tum a si ih, 2016 ah Quality Check khal Consultant thawn buaipi a si hrih ding. Cule 2017 tal ah cun Holy Bible pi sŭt thei si thlang sehla tiin hmuitin neih a si.’ titla in a sim tel.

Hi an suah mi Daan bu panga pawl hi a lak in a duhduh pawl hnenah pek a si ding thu khal a sim tel. Ngah a duhtu le ngaihven duhtu pawl cun a mah Dr. Sui Lian Mang hnenah le Bibles Internatinal Myanmar Society pawl hnah ngaihven theih a si thu khal Chinland Today Media hnenah a sim.

Tui an leh mi pawl hi King James Version le New King James Version ihsi leh mi an si.#

10931178_410550295794445_851538997632506072_n

Comments

comments

Comments

%d bloggers like this: