Falam Ah Gallon Tingkhat Tlem Ti-inn Pali Sak Thok

Falam Ti-inn sak thok mi
zuk – Pu Dar

Chin ramkulh Falam khawpi ah Gallon tingkhat tlem ti khawlnak innpi pali an sak thok tiah thu kan dong. Falam ih veng 8 pawl hrang ih sak ding mi a siih tiinn pakhat ah ting 1000 tluk cem dingih hisap mi a si.

Himi ti khawlnak inn ih Tidai pawl hi Laiva ihsin lak ding mi a si. ‘Tiinnpi a tuum lam hi 40’, 40’, 12’ a si dingih MMK ting 1000 zikte pakhat ah a cem ding. Falam ih zakuat 8 pawl hrang a si dingih, Tiinn pali kan sak ding.’ tiin Falam Municipal Chairman Pu Dar Lian Uk cun a sim.

Tidai laknak ding hrangih pipe pawl khal an peh thok rero zo tiah thu don a si. Pipe pakhat le pakhat pehnak men lawng hmanah nazi hrek, minute 30 tluk a rei tiin Pu Dar cun a sim. A rei deuhnak san khal hngetkhoh zet le rinrah tlak ih a um theinak ding hrang felfai teih kan tuah ruangah a si titla in a sim.

Tuih tiinn saknak ding mi 2018 March thla hlan ih tuahfel dingih tumtah mi a si.#

Zuk Tidai Laknak Pipe Pawl an peh lai, Zuktu Pu Dar

(Visited 206 times, 17 visits today)

Comments

comments

Comments

%d bloggers like this: