Falam Ah Chin Centre Dinsuah A Si Zo!

Henry (Lairam Vapual)8003752_orig

Chin ram le Chin miphun thansohnak ding tumtahnak tumpi thawn Chin Center  cu Falam khua, FBA innpi ah hrambun in August 7 ni, 2013 kum ah on a si zo.

Himi Chin Center cu USA hrambun Institute of Chin Affairs (ICA) ih hohatnak le bomnak in dinsuahmi center a si. Himi Chin Center onnak puai ah Falam khuasung ih um pawlkom hmuahhmuah ih palai pawl le tuanvo neitu dangdang pawl sawm an si ih Rev. S. Hrang Kap Hnin ih thutawi simnak le thluasuah peknak in siseh, Rev. Thang Za Khum ih apnak thlacamnak in siseh onnak tuah a si.

Himi Chin Center cu mirang ca zirnak, Falam khuasung um pawlkom pawl tonkhawmnak, Chin Herald Journal hrang hnatuannak, research tuah tulmi a um tikih hnatuannak, thansohnak le fimzirnak thawn a pehpar awmi cangvaihnak a phunphun pawl tuahnak hrang tumtah ih dinmi center a si.

Center sungih hman dingmi zung thilri pawl khal tawkfang lai ret a si zo ih center on ni ihsin thokin mirang ca zirhnak khal tuahcih a si. Mirang ca zirhnak hi pehzom ih tuah vivo ding a si ruangah mirang ca a zir duhtu zozo khal center ah thu le hla suhhlam theih a si. Himi Chin Center a hleice ih a zohkhentu ding pawl cu Salai Phun Zam le Salai Hrang Kuk an si.

ICA hin Chin ram le Chin miphun thansohnak dingah tumtahmi le tuahding mi dangdang khal a nei ih Falam khuasung ahcun himi Chin Center ah hrambun in hnatuannak a nei vivo ding. ICA hi 2012 kum April thla ah hmuntin um Falam mi pawl USA ih Indianapolis ah Global Chin Conference tuah ih tonkhawmnak ah din suahmi pawlkom pakhat asi.    ICA

(Visited 332 times, 1 visits today)

Comments

comments

Comments

%d bloggers like this: