Fala le Tlangval, Nupi le Pasal |henawknak ( 2 )

2

2.Caan Pek Tam Lo Ruangah.

Tulai ah, Laimi tamzet cu ramdang ah kan thleng thlang. Ramdang ih Pasal thleng, Kawlram lam ih Nupi in midang rak duh tivek thuhla hi theih ding a um phahphah thlang. Ziangruangah cuvek a cang tiih thusuhnak cu, “Kiangkap ah umin, can pekawk tam lo ruangah” timi hi a san tamzet lak ih pakhat a si ka zum. Cun, Fala le Tlangval dinhmun khal ah, ramdang feh ih ko aw / hruai aw / cah aw leh dingih Rinumnak thutiam si, ko suak aw ngaingai lo khi tamzet an um thlang. Cupawl cu, Caan pekawk tam lo ruang ih a cangmi thil an si.

 

Fala Le Tlangval : Fala le Tlangval kar lak ah, thil um tengteng dingmi cu, Caan pekawk hi a si. Caan timi hi ngah a harzet, neih a harzet ih a man a khung fawn. Fala / Tlangval zate in, kan duhmi Nu / Pa hrangah ziangtluk caan kan hmang theu? Caan kan pekaw tam lo tik ah, ngainat awknak a mal vivo thei, duhdawtnak a \umsuk thei ih, thinlung sung ih ruah ringring awknak ihsin a te vivo thei. Curuangah, Fala Tlangval karlak ih \henawknak thlentertu lak ih pakhat cu Caan pek awk tam lo ruangah a si.

A theih a si ahcun, fala le Tlangval zaten, mai duhmi hrangah zarkhat voikhat, zarhhnih voikhat , thlakhat voikhat tivekin, mah le remcan dan ih zirin thil danglam tuahsak aw sehla, duhdawtnak cu a karh sinsin thei. Tah\himnak ah, mai Fala / Tlangval hrangah, rawldawr ah rawl eipinak hleice, shopping mall ah thuamhnaw pakhatkhat leisaknak tivekin, caan hleice tuahsak awk hi thil\ha a si. Na Fala / Tlangval in, a kiang ih na um tik ah thin hngangam zetin, ziangdang ngai lo in a um ti khal hngilh hlah.

Caan hi ramdang ah tlacun “Caan Hi Paisa ( Time is Money )” ti rori in an ko. A si ko, hna\uannak ram ah tla cun, Caan timi hin man a nei zet. Curuangah, na Fala / Tlangval hrangah, Caan Hleice na tuahsak tik ah, nan karlak ih duhdawtnak a tam sinsin ih, ngainat awknak a karh sinsin. Chin Fala le Tlangval, kan Fala le Tlangval hrangah Caan timi hi pek thiam kan zir pei uh. Cucun thuksin duhdawtnak kan karlak ah a suahpi ding. Caan kan pek awk thiam lo a si ahcun, kan karlak duhdawtnak cu a king ding ih, kuai in \hen\hek lawng kan covo a si pang ding.

 

Nupi Le Pasal : Nupi le Pasal khal duhdawtnak ruangih nei aw an si nan, \henawknak a thlen can a um \heu. |henawknak san tamtak lak ahhin, Caan Pek Awk Tam Lo hi a ruang le a san pakhat a si ve. USA dan ah tla cun, nupi pasal cu thla 6 tiang lawng hmu aw lo ( Thla 6 tiang lawng hmun dangdang ih um an duh ) ih um ding timi an nei. Hmuhawk ringring, Caan hmantlang ringring hi Nupa karlak ah a rak \ulzet ti cu a langfiang nasa. Chinmi tamzet lak ah, ramdang ih Nupi / Pasal thleng, inn lam ih midang rak ngai timi thuhla tamzet kan theihmi khal, ziangruangah timi a san tamzet lak ah, Caan pekawk tam lo ruang khal ah a si ve.

Minung cu kan hmuh ringring mi, kan theih ringring mi le kan tham ringring mi thil hin kan thinlung in luahkhat zet. Nupi / Pasal thawn Caan hmangtlang maltuk Nu / Pa khalin, a thinlung sungah, tuihlan ih a Nupi / Pasal a rak duhnak khal a ziam vivo thei. Curuangah, Nupi le Pasal in, mai Nupi / Pasal hrang ih Caan a theitawk ih a pek thiam hi a thupi zetmi a si. Caan hleice na Pasal / Nupi hrangah tuahsak aw la, ziangvek in nan karlak ih duhdawtnak a karh timi cu na theifiang ding.

 

(Visited 393 times, 1 visits today)

Comments

comments

Comments

%d bloggers like this: