Fala le Tlangval, Nupi le Pasal |henawknak ( 1 )

1381671_554039391333315_294082376_n

Mipa amah te lawng um duhlotu Pathian cun Mipa hrangah Nunau a sersiam. Mipa le Nunau hmunkhat ih lengtlang ding hi Pathian rak remruah ciami a si. Nupi le Pasal neihawk ding cun “Duhawk Hmaisa” a \ul \heu. Fala le tlangval zate in, duhdawtnak nei lo zohman kan um lo ding. Duhdawtnak kan neihmi ih a hmuh ngahmi Nu / Pa cu, midang hrangah ziangvek a va si lo hmanah, kan hrangah cun kan “Duhbikmi” a si.

Fala le Tlangval \henaw hi tamzet theih ding an um. Duhdawtaw vek ih lang si, \hen aw sal \heu an um. Cun, Nupi pasal khal ah, reizet maw reilote maw nei aw zo ih \hen aw tamzet theih ding an um. Minung kan si ih, zohman famkim kan um lo. Fala le Tlangval, Nupi le Pasal \henawknak suahtertu hi tamzet a um ding ka zum. Cumi lak ah, \henawknak suahtertu ih ka hmuhmi tarlang ka duh. Cumi cu a \ha lo mi pawl an si ding ih, hrial khal kan tum ding.

Thuthup Umnak Hmunah Thungaiin Hmun A Co Lo

 

  1. 1.    Thuthup Neih Ruangah.

Fala Le Tlangval : Fala le Tlangval karlak ah, um tengteng dingmi cu, “Pakhat le pakhat theihfiang awk” hi a si. Fala ih duhmi, huatmi le sinak pawl cu tlangval in a theihsak tengteng ding. Cuvekin, Fala khalin a tlangval cu a theithiam ve ding. Cuti ih theihthiamawknak karlak ih a um a si ahcun, nuam le lungawi zetin Duhdawtnak hmuanpi sungah lentlang a theih ringring.

Voi tampi cu Fala le Tlangval karlak ah “Thuthup” hi a um thei tuk. Tlangval / Fala hnen ih sim ding rori mi, Tlangval / Fala ih theih dingmi le ruahawk theh dingmi khal sim aw lo, ruah aw lo ih um a theih \heu. Cumi cun khat le khat karlak ah “Nelawklonak” a suahter theu. Nelawk lo vivo cun pehtlaihawknak a tha nawn lo ih, a hlatnak ih um vivo lawng hmabak a si thlang.

Curuangah, Fala le Tlangval kan zaten, tu ih kan duhmi hi kan Pasal / Nupi ding ih kan duh ngaingai ih, an hnen ah thuthup zianghman um lo in, tlangzet ih kan komawk hi a thupi zet. Thuthup nei phah ringring ih na Fala / Tlangval na kom a si ahcun, nuam takin thu na relpi thei lo ding. Na mithmai a tha thei lo ding ih, cucun, rah tha lo a suahpi vivo ding. Curuangah, Fala le Tlangval karlak ah, Thuthup hi UM LO sehla \henawknak khal hi a suak mal zet ding.

 

Nupi Le Pasal : Nupa si hnu khal ah, Nupi in pasal hnen ah ziangkim sim duh lo, thupmi nei ringring tivek, Mipa khal in Nupi hnenah ziangkim sim lo, thupmi nei ringring ih um a thei. Cuvek ih umnak innsang ahcun nawmnak ngaingai a um thei lo ding. Nupi le Pasal cu taksa pumkhat an si zo ruangah, ziangvek khal sim aw, theihter aw le thu ronaw ding an si.

Thuthup a umnak hmun ah thungai in hmun a co dah lo. Thuthup sim duhlo ruangah a hel zawngin, ziang si maw rel ciamco a \ul. Cumi cun bumnak a hringsuak ih, a rahsuah cu Nupa \henawknak a suahpi \heu. Curuangah, Nupi / Pasal nei zo khalin, mai Nupi / Pasal parah thuthup nei lo in, ong aw le tlang tak ih pehtlaihaw ringring a si ahcun, \henawknak hi a suak tampi lo ding.

 

(Visited 1,373 times, 1 visits today)

Comments

comments

Comments

%d bloggers like this: