Fala kum 107 in pasal neih duhthu sim

13-01-2009: China fala kum 107 cu a nauhak lai ihsin pasal neih a tih ih tuini tiang neiloin a um.  Asinan, atu ahcun a thinlung a thleng ih pasal a neih duh thu a phuang.

Pasal a tawn lai ding khal a zum aw zet.

Hi, fala leng u zet Wang Guiying hi an sungkua u nau sawm dawltu pakhat a si. Vansiatnak ah kum 102 a thlen ah a ke a ilh ngah pang. Curuangah hna khal a tuan thei nawnlo.

Pasal ding khal ka tawng ding; pasal ka neih lohli lo ahcun a tha ziklo a ti.  Asim peh vivo nak ahcun “Ka nauhak tleirawl lai ah kan sungkhat u nau le venghnen nupi pasal nei pawl an pasal in an nupi an thawi ka hmu theu ih cumi ruang ahcun pasal neih ka duhlonak a si” a ti.

China ram ahcun nunau pawl hin thu an neilo men lawng siloin an nautat zet bet fawn. Wang Guiying in u le nau tampi a nei ih an nautabik hman kum (60) a kim zo. Wang hi pasal neih hrihlo, a vei khatnak ding a pasal tawng ding cun ruahsannak a nei lai a si.

Comments

comments

Comments

%d bloggers like this: