Fala inn tlun in dawp that

TOI /19 March 2009

Kum 20 mi fala pakhat cu a tlangval pa thawi tongkam an elawknak ruangah inn sang pin a dawp that ta riai. Anupama Acharya (20) mi hi vanzamleng sung ih hna tuan a si ih a tlangvalpa Samar Yajurvedi (24) in kuak fawp nawnlo dingih a ti ruangah a nunnak a cem ter mi a si.

Hi, Karnataka ih um Anupama le Samar hi nei aw zikte an sinan Anupama hin a mahte a ngaihzawngpa Samar hman sim ngam lo in a thupte tuarmi harsatnak a nei. Anupama in a ngaihzawngpa Samar a phone hnu ah an inn ah a feh. Zuknung (Cinema) an zoh tlang hnu ah zu a in duh thu a sim.

Cutikah Samar cun a rualpi pawl zu rak lei sak dingah a sim. An in theh cun nazi 11:00 pm a ti zo. Anupama cu a ti theumi a zalte sungta kuak a la ih a fawp tum. A tlangvalpa cun fawp lo dingin a sim. Cutikah Anupama cun a tlangvalpa Samar hnen ah ka nunnak ka cemter men ding tin a sim.

Anupama cun zo hman ih kham thei lo ding ih a nunnak a cemter tum thu a tlangvalpa hnen ih a sim tikah a tlangvalpa lungphan in a pa a hei sim nan a tlai zo. Nazi pakhat le khuai sung kuak fawp lo ding ih thu an el awk hnu ah Anupama cu inn sawng sangpin a dawp that ta riai.

Comments

comments

Comments

%d bloggers like this: