Faizawng

A harh dam ih nun iang neimawi, Faizawng

Thlatang dai tla’h bual aw van Cung Lasi

Zing pit zithli thiang pawl’h thinlung na thawng

Lai hang pawl in na hmin zalam lenpi

Tlun zuang phunkim, na hrang zaihla awi ngai

Na runnuam cu khaulau tinkim tuannak

Na pai run thangdai lam tluan pal ngil hai

Sahring tin lungthin sung’h rundawh na sak

Par cungcuangbik tual na lennak hmun sang

Lungsung a hrinter e, na hmai pan te

Khuaipawl anka’h hmurthlum hlei cu a thang

Valdawh mit sung’h na siang thlai rem a e’

Faizawng, faizawng na  hmin cat lo’n sal ning

Na hmin salhi nin zai rel thiam hlah ing.

Salai Kianghrol

(Visited 51 times, 1 visits today)

Comments

comments

Comments

%d bloggers like this: