Facts of Falam (XXX) nak

965536_577230415630854_480042382_oFrancis Lal

Facts of Falam (XXX) nak

291. Kum 1998 ihsin 2003 kum 5 sung cu Kawl mipa le Falam nunau neih-awk tambik kum an si.

292. “Kan nunnak” timi catluan cu a dungkir zawng khal in a bang aw thotho.

293. Falam Siizung pi cu 1945 ihsin on a si zo nain kum 60 lenglo a rei hnu 2013 March thla lawngah minaa phurhnak mawt’aw (Ambulance) a nei.

293. Zahau mi-uk Kip Kual ih khuang a rak cawi lai ah Mirangpa a rak tel ve. Culai ahcun khuavang ah an rak ruat. Pu Kip Kual san cu 1700 hrawng a si.

294. AD 1700 hrawngah Tlaisun pawl in tangka ai ih hman ding thirpheng (a bialmi) an rak tuah zo. Cumi cu ‘Keu’ an ti.

295. Hlanlai kan pupa pawl ral an do awk tikah Nunau le nauhak cu thah daan a si lo. An that ngah pang khal asile khawzing hnenah ngaithiam an dil t’heu.

296. Laitlang ah sal le bawifa pawl cu kum 1939 ihsin luatter thluh an si.

297. Chinland Today Facebook group cu December 12, 2012 ah an din ih an dinhnu thla 6 ah member 30000 a nei ih Falam Facebook group lakih member nei tambik a si.

298. Nikhat sung Rihli Groupmail ih calutmi hi a cuulrual in 15 tluk a si ih Falam Groupmail ih calut tambik a si.

299. ‘T’anrual cu cahnak’ timi hi 1700 hrawng ihsin Tlaisun pawl ih thuken a rak si zo.

300. Kan pupa daan ih Puai (Conlaam) nasabik cu Khuangcawi a si. (Khuangcawi nei lo khua hrekkhat khal an um ve.)

Comments

comments

Comments

%d bloggers like this: