Facts of Falam (I) – (IV) Nak Tiang

Facts of Falam (I) – (IV) Nak Tiang

 

Khawlkhawmtu: Francis Laluk

1. Falam khawsungih electric meisa van hmaisabik ni cu 1986 Dec 15 a si.

2. Zahau mi uk Pu Thang Tin Lian cu “Thang Tin Sawn” timi ihsin ‘Lian’ tih an thlengmi a si.

3. Vate le ramsa hmin ih saubik cu “Thangkawngkingkawng” a si.

4. Kum 1937 hlanah Falam pengah Baptist siarlo kawhhran dang a um lo.

5. Saya Tha Nei Fai ih Thuthangt’ha a sim hmaisabik nak khua cu Haikhawl a si.

6. US ramsung ih State khawpi pawl lakah Falam khua hnakih sang cu khaw 2 lawng a um.

7. 1990 hlan ahcun Falam pengsung minung tamsawn in Falam hla hnakin Hakha le Mizo hla an thiam tam sawn.

8. Bill Gate in leitlun mipum zaten ni 3 sung rawl a dar thei ti a si ruangah Falam khua rawl in dar tum sehla kum 1065 le a hrek tluk in dar thei ding.

9. Col. Hrang Thio cu 1949 August 8, 3:50 AM ah a thi.

10. “Puite tei ui pi ter rero tu Rote Pu” timi ca tluan cu na keyboard tluntabik tlar lawng hmangin na ngan thluh thei.

11. Falam khawsung ih nunglai vanram kai tlak an rak timi pawl cu Lumet Paras, Pu No Zam le Pu Thawng Cin Thang pawl an si. (Pu Thang Tin Sum ca sung taa..)

12. Mai Far Men Par cu a Album hmaisabik hla a thun laiah nazi 7-11 sung lawng a rei.

13. Pu No Than Kap ih Revolutionary hmin cu John Khaw Kim Thang a si.

14. English – Falam Chin Dictionary hmaisabik cu Sayakyi Van Kyi in 1959 ah a rak tuah.

15. Falam mi a hrek hnakih tam sawn cun Pu Than Bil Luai ih “Sibawi umlonak ah” timi cabu hi Cabu thabik a si ringring lai tiah an pom. (Bible siar tel lo)

16. NewYork khawsung luhnak Lincoln Tunel ih nikhat sung Toll man ngahmi cu Falam hrangah in rak hlu sehla Rihzin laihnak a daih ttheh hlei ah, Falam mipum pakhat in Ting 1 zikte ciar kan zem aw thei lai ding.

17. Actress Thet Mon Myint cu kum 11 a si laiah Japan ram a rak thleng dah.

18. Kum 1943 Nov 7 ah Japan pawl Falam an lut.

19. Kum 1988 ah Falam ihsin minung 2 lawngin phun 10 an ong.

20. Dr. Hre Kio ih lehmi Falam Bible cu bu 40,000 zemsuah a sizo ih kum 10 sung Falam Cabu suak zuarsuak mi komkhawm hnakin a tam sawn

21. Pu Cong Kham le a nupi cu Pathian an zum ruangah hramlak ah kum 6 sung umter an si.

22. Falam peng ah Taal, Tio le Vaar timi lawng hi awfang suak pakhat (1 syllable) um mi khua an si.

23. Canganthiam ‘Mai Sokhlei Par’ ih hmin ngai cu ‘Thawng Lian Par’ a si.

24. Falam (Fahlam) ih sullam cu, Fa=fate, hlam=beunak (Fahlam=te le fa pawl himtei’ beunak) ti a si.

25. Hlasak thiam BJ ih hla sungah 666 ti a tel.

26. Sunthla Khawthar cu Falam peng sung khua thiangfaibik ti ih hminsinmi a rak si.

27. Rev. E. Kyon Bil in Falam Bible kum 7 sung a rak let nan Bible Society in an pomsak lo.

28. Kan Ca ah “w” kan hman tinte a hmaiah “a” a um a ttul.

29. Tuluk mi an zaten $ 1 ciar thawhkhawm in Falam hrangah in hlu sehla kan zaten Yangon ah inn pakhat le Mawtaw pakhat kan lei thei ciar ding.

30. Relsing khua ih Pa pakhat cu a fanu nupi ah a tthit.

31. Falam Mintaa Ngun Mang cu Baffullo (NY) ah a um.

32. Pu No Than Kap in “Aw Falam” cabu sungah ‘1992 hlanih pacang ttha pawlin 1992 hnuih Pacang ttha pawl cu phunhnam lainatnak ah an neh thlekthlek’ tin a ngan.

33. Falam khawsung ih luhtheinak zinpi 4 a um.

34. Fa nei upabik cu Pu Than Tum a si ih kum 72 a si ah fapa a nei.

35. Zaniat ttongih ‘Sawngen’ ticu ‘Thlacam’ tinak a si.

36. Cafang nonsal (repeat letter) umlo ih word saubik cu “Zumtheilonak” timi a si.

37. Falam peng sungih hrinhnam 11 sungah Falam t’ong t’hatei’ thiam harbik  cu Ngawn an si.

38. Santhar raldonak (CNA din hnu) ah ral kutih thi hmaisabik cu Thawng Lian Piang le Than Vel an si.

39. ZBC (Zomi Baptist Convention) cu 1952, Falam khua ah an din.

40. Falam mi kum 40 tlun lam 70% tluk cu Vainimho thawn t’hanglian mi an si.

Rihli le Facebook pawl ta lakmi a si.

(Visited 134 times, 1 visits today)

Comments

comments

2 Comments

  1. mak lawlaw … tha tuk

  2. Siar nuam theih tha zet lawnglawng
    mak tuk lawlaw, ‘facts of falam’ khawlkhawm tu francis lal

Comments

%d bloggers like this: