Facebook Ih Ca Tar Ruangah Thihnak Daan Pe

Pakistan mi pakhat cu Facebook page ih an pathian soiselnak thuhla pawl a tar theu ruangah ankaiih, thah dingin a tlun thu an rel sak.

Hi tiih social network menmen ruangih thihnak daan tiang pekawk hi cu, a awm lo a si tiin Pakistan ih Amnesty International pawl cun a cozah le thuthentu pawl cu an ti ve.

Taimoor Raza kum 30 mi cu an mithianghlim zawlnei Prophet Muhammad hmin duhduh ih soisel tiih puhnak ruangih hivek daan orhter a si.

Social network pawl in kan sakhuanak in theihpi ngaingai lo ruangah, a kilhim thei patawp in kan kilhim dingih, kan daan pahbaltu khal daan vekin antlun ah thuthluknak kan pe ding tiin Pakistan Interior Minister Chaudhry Nisar Ali Khan cun a sim.

Tui kum May thla ah mipi thuhla thannak lam ih thuneitu (Pakistan Telecommunication Authority) pawl in an ram pumhuap ah an puithiam hmin soiselnak ca online ih tar lo dingin nasangaiten ralrinnak ca (sms)a kuat.

2011 ihsin 2015 karlak ah Pakistan ram ah an zawlnei hmin soisel pawl kaihnak thubuai orhter mi 91 an um. Raza hi 2017 April, 5 ah an kai ih tufang hi Sialkot timi rorelnak sang ih thutlunak pawl a tuahsak mi pawl umnak hmun ah thihdan orhter in a um.#

  • TOI
(Visited 104 times, 1 visits today)

Comments

comments

Comments

%d bloggers like this: