FAALE HRANG NULEPA- By, Salai DL Senling

 FAALE  HRANG  NULEPA
( Ps. 127:3-4)
 
Aww… nulepa pawl
Nan cawl zo maw
Hnat’uan t’ha ka nei ti ih na ruatawk t’heumi kha
Na faale Pathian thu na zirh hainak ruangah
Pathian thangt’hat le biaknak inn zin an pan maw
Ka fa khuiah na um na ti
Thaithawh le zaanriah hrang lawng nung in
Na faa sim  a theih lai nun na sim lo
Thil sual tuk cu na tuah dahlo nan
Bible siar le thlacam caan hman nei hlei lo’n
Leitlun thilri hrang ahcun caan na nei tuk!!!
Na feh t’heunak zawh ve dingin na faale na hruai bet
Na hmuhfiang cun a rak tlai tuk
Nan rak hlo zo na faale thawn
 
Ziangtluk theih t’ha so a si
Biakinn sungah
Na faa ih thlacam aw le Bible siar aw
Amah biak, thlacam le sunlawih
Zumtu zatei’ ton thluh hlan tiang
Sungkaw kim in Pathian thu lawngah lungawi in
Nu in a faa thlimnak hla a sak
Duhdawt zaangfah thinpemnak thawn
Zumtu nupi nei ngahtu cun
Manhar Sui lungvar hnakih
Sunglawi sawn a sar
Faale hrangih nu t’ha
Thlacamnak thawn faale nun zirhtu
Curuangah nang “NU”
Pathian ka thei na tile
Na faa kiangah ni tin te’n um aw
Maaww… nulepa
Nan Thaal khuiah nan sai ding
 
Salai DL Senling

(Visited 82 times, 1 visits today)

Comments

comments

Comments

%d bloggers like this: