European Commission In Bawm Ding

Pakistan leh Taliban pawl do awknak cun reh lam a pan thei cuanglo ih, an do awknak hmun Swat Valley leh hmun dang dang ihsin Civil mi 8,34,000 hrawngcun himnak hawlin an Inn leh lo pawl an suahsan rero.

Hi Civil mipawl tuamhlawm leh bawmnak dingah  European Commission cun dollar Million 7 leh 5,00,000 a pe ding. European Humanitarian Aid Commissioner,  Louis Michel cun  do awknak hi a sosan vivo ruangah Pakistan ram ah hin ralthuam meithal ih thih nak tlun ah  harsat mangbang nak ruangih thihnak lamzin hi a kau vivo ding a si a ti.

Surbung Tlang Thuthang Siarbet

Tik cucan man nei zetih hman tum hram aw

Hi do awknak hmun ihsi Civil mi tlansuak pawlhi an zan ih nak puan leh an hruh ding hnipuan hman lata manlo ihtlansuak tamzet an um ruangah bawmnak pek an tul zet a si a ti. UN lamin an simnak ah cun hi do awknak Swat Valley hmun ihsin colhni kar hnih sungah minung Miilion 1 hrawngan tlansuak zo ih cumi sungah 80,000 hrawngcu UN in umnak hmun a tuahmi Madan ah an um a si a ti. Bawmnak hna tuantu pawlcun khaw hrek khat tla ah cun minung zo hman umlo nak khal a umih Nauhak pakhat zeng cu a feh thei lo ruangah a sungkhat pawlin hmun him lam panih an tlansan mi  Inn pakhat sungih an sar thu an sim.

Pakistan Prime Minister Yousuf Raza Gilani cun  tui tum an buai nakhi kum 1947 ih India leh Pakistan rak do awknak ih  mipi harsat nak a thlen vek a thlen theithu a simih tui dinhmun ah himi buainak leh harsat nak pawlhi tifel mai a harsat ding thu khal a sim. BBC Correspondent, Barbara Plett cun mipi pawlcu Inn leh lo tlansuah san an si ruangah himi do awknak a reh zamranglo a si ah cun harsat nak leh buainak lamzin cu an hmaitawn vivo lai ding a si ati.

Pakistan Ralkap leh Taliban pawl do awknak ah hinTaliban pawl minung 700 hrawngan thi zo ih Pakistan ralkap minung 200 zikte an thizo tiah an sim.

(Visited 40 times, 1 visits today)

Comments

comments

Comments

%d bloggers like this: