Europe Ah Thlisia Hrang

_70767940_70767939

Europe ih ram hrekkhat ah, thlisia le ruahsur nak a thleng rero ih, October 27 tiangah, mi 13 tluk thi zo in, midang hliamhma tuar, motor siat le harsatnak tuar ih an um thu BBC cun a tarlang. Thlisia a hrannak hmun pawl lak ah, Germany ram hi a luar deuh. Mi 6 an thi zo ih, motor siat le thingkung tlu an tamzet thlang. Britain, France le Dutch ram lam khal ah thlisia a hrang zet ve. Thlisia hrangmi hi mithiam pawl cu a natlam 191 km/h (119mph) a si tiin an sim.

Dutch ram ahcun, Schiphol Airport ihsin vanzam zam ding flight 50 tluk an cancel zo. London le Germany ram hmun hrekkha tih tlangleng pawl khal feh / tlan thei lo in an um hai. France ram ah, inn 42,000 pawl cun electric ngah lo in an um. UK khal ah inn 600,000 pawl cun electric ngah lo in an um lawk ih, cozah lam ih tuan rangnak ruangah caan reilote sung ah an ngah sal. Mithiam pawl cun thlisia a hrang ding timi hi an theihcia ruangah, October 20 hrang ihsi cun Europe ram tamzet hnen ah ralrinnak an rak pe rero zo.

(Visited 136 times, 1 visits today)

Comments

comments

Comments

%d bloggers like this: