Euro 2012 Zosawn In An Ngah Pei: Spain Vs Italy

Euro 2012 Zosawn In An Ngah Pei: Spain Vs Italy!

Euro 2012 onnak ah Spain le Italy in Group C ihsin an lek thok ih 1-1 in an bang aw. Cutin an lamtluan cu nehso vivo in tu ah a netnak cakbik zuamawk sal thei dingin an thleng veve sal. An thuanthu pawl hitin kan zoh vivo pei:

  • Spain in tuitum ih Euro lehzuamnak an lak ahcun leitlun futbal lehzuamnak ropibik a dangdang pathum a pehpeh ih ngahthei umsun an si ding. Anni hin Euro 2008 an la zo ih, 2010 World Cup khal an la zo, tui tum hi ziang an bang pei?
  • Italy hin 1968 hnu lamah veikhat hman Euro lehzuamnak ah cakbik an ngah lehsal nawn lo. A sinan an mahlawng hin Spain pawl ih thuanthu ropi ngan pehbet dingmi kham theitu umsun an si.  Italy cu 2006 World Cup latu an sive.
  • An thuanthu kan zoh tikah an ni pahnih hin vei 31 an rak do dah zo. Italy in vei 10 an neh ih Spain in vei 8, vei 12 cu neh awlo in an bangaw.
  • Spain hin tuikum Euro 2012 ah vei 12 lawng an Koal ih sirh (shoot) a tuar. A hrek cu Italy thawi an leknak ih vei (6) an sirhmi a si.
  • An ram pahnih hi tuikum Euro 2012 ah midang Koal ih va sirh tambik an siih Italy in vei 99 le Spain in 86 pawl an sirh.

Spain

  • Spain hin tuikum an neh ahcun European Championship kum 2 a zawnzawn ih ngahtu um sun ram an si ding.
  • Spain hi tuikum 2012 ah dunglam lek (defensive) ih hminsin thabik an si.
  • World Cup 2010 an leknak ah an tummi zaten an neh thluh ih tuikum Euro 2012 ih an lekmi ah pakhat hman ah an tlawm hrihlo.
  • Xavi, Xabi Alonso, Sergio Busquets, Andres Iniesta le Sergio Ramos pawl hin Italy mithiam lar pawl hnakin bawhlung midang an pesuak tam. Italy lam ih Andrea Pirla hin vei 320 lawng mi a pe.
  • Andres Iniesta hi 1980 kum ihsin tuini tiang Koal zawnih sirhtambik-veikhat hman Koal sungih thun ngah hrihlo a si. Azaten vei 11 a sirhnan veikhat hman a ngah lo.

Italy

  • Italy hin tuikum Euro 2012 ah mipi pawl ih tiket hamcia mi tambik a siih Spain hnakin panga in a tam.
  • Vei 79 midang khawnpalhnak an neiih Spain hin vei 66 an peve.
  • Tuikum hi Italy in leitlun larbik futball lehnak dangdang ih cakbik(final)vei (9) a zuamnak a si. (European Championship 3, World Cup 6). Vei 5 an cak. Cucu zatek 63% tinak a si.
  • Mario Balotelli hi tuikum Euro 2012 ah Koal zawnih sirh tambik a siih vei 10 a sirh.
  • Italy Koal kiltu Gianluigi Buffon hin fuball lehnak dandang ih a tel vei 24 nak a si. Spain Koal kil  Iker Casillas hnak in hminsin 4 in a tuah mal deuh lai ti a si.
  • Tuikum Euro 2012 ah Italy pawl hnakih kham tha, sirhsuak tha leh pe aw tha an umlo ih an ni hin vei 248 an tuah zo.
(Visited 35 times, 1 visits today)

Comments

comments

Comments

%d bloggers like this: