EU Le US In Syria Ah Ralkap Thlah Tum

US-EU-Arabs-compromise-Syria-sanctionsAsia Time Online in EU le US kom in NATO ralkap le ralkap dang pawl cu Syria ramsung ah lut in raldo dingah an ready zo ti’n mani Tlawngkai Nithumni, 12.12.12, ah a tarlang.

Hi thuthang a tarlang hnu reilote sungah German nitin thuthangca Suddeutsche Zeitung khalin a dik thu a ngan ve.

Thuneitu lam ihsin ṭuanvo pekmi pawl khalin North Atlantic Treaty Organization (NATO) cun an Secretary General Anders Fogh Rasmussen ih hohanak hnuaiah Syria ramsung ah lut dingin a tim a tuah zo an ti. Cun Washinton lam ihsin thu a rami ah NATO SG Rasmussen cu Turkey, Britain le France, le Germany pawlin nasa zetin a dingpi ih a ṭan a si a ti. Cun German Ramdang Minister Guido Westerwelle in atu ahcun ramthuhla remrelnak hnakin raldonak in hmun a luahsawn a cu zo in a lang tiin a sim ve.

NATO in Syria ramsung ih a ralkap a thlah dingmi thu ah NATO sungtel ram 28 ih le kiangkap ram, le Arab ram pawlih lungkimnak cu a lak a  ṭul  hrih. Washington cun Syria hi Lybia vekin UN Security Council in ṭuanvo laksal sehla a duh.

European Union (EU) cun tukar sungah Oslo ihsin Nobel Peace Prize cu, remdaihnak, remrelthiamnak, democracy le minung canvo pawl an ṭan ih ṭuanvo an lakdan zohin a pek.

(Visited 81 times, 1 visits today)

Comments

comments

Comments

%d bloggers like this: