EU In Burma Cozah Hrem Bet Tum

April 27th,2009
 
EU In Burma Cozah Hrem Bet Tum
 
Luxemboung ih tong khawmaw European Union ram pawlcun European Union ram in a liamcia kum thum ihsi a rak hremzo mi Burma Ralkap Cozah cu  a hremnak feh tlangpi vivo hrih dingin an relcat. Himi ih tlunah Politics ruangih Ralkap Cozah in thawng a thlakmi minung 2,000 lenglo leh Daw Aung San Suu Kyi cu an suah theinak dingih nawrpi vivo an tum thu khal an rel.
 
European Union ram pawlhin Burma ram ih mipi rorel nakdik a um theinak dingih Ralkap hotu pawl nawr dingin timtuah awknak nei dingin an cahbet aw. Tu ah hin European Union ram pawlcun Burma ram ralkap Cozah thuneitu pawlcu European Union ram pawlih tlawnter an sianglo ih, Burma ram Cozah hneih ralthuam lam zuarlut leh Burma thil tuahmi European Union ram pawlih lakluh khal an kham  a si.
 
Mexico Ram Nat Nak Hri Leng
 
Mexico Health Secretary, Jose Angel Cardova in a sim nakah Mexico ram ih Swine Flu natnak hrik leng ciamco ruangah minung 103 an thi zo ih himi natnak ngahtu minung 1,614 an um tiah hmunsuak asi ati.  Hi Swine Flu natnak hri hi US leh Canada khal a thlengzo ih leitlun ram dangpawl khalin an kaive tih in an ralring zet asi. UN cun himi natnak hi karhzai cakzet cu a silo nan a darhzai ciamco lonak dingah ralrin zet a tul asi ati.
 
Himi natnak ruangah US ah hin minung 20 an thizo ih Cu ruangah Cozah in Health lamih hotu pawl kokhawm in himi natnak lakih si ralrin dan ding a tawlrelpi a si. Canada, Spain, Israel,leh New Zealand ram pawlkhalin himi natnak hi an zohfel lai rero. WHO khalin himi natnak hi leitlun ram dangdang ih kai vivo ding asi maw timi zoh fiang dingin leh rel tlang dingin Thaisun ah Switzerland ram Geneva ah tawnkhawm awknak an nei ding asi.
 
Pakistan Bomb Puak
 
Tuizingah Pakistan ram nisuah naklam Dir distric Luqman Banda khua ih Primary tlawng Inn  pakhat ah  Bomb a puakih Nunau nauhak 13 an thiih midang 40 lenglo in hriamhma an tuar. Hi nauhak thi pawlhi kum 4-12 karlak an si. Hi bomb hi tlawngin kotka nauhak leh awknak hmun ah an thil hmanding vekih tuahmi asiih nauhak pawlih an va hmangcu a rakpuak asi.
 
Hi Bomb puakhi a cahzet ruangah mithi pawlih taksa hi a sezetih minung 7 cu zo an si ti theih fiangan sizo. Hi Bomb puakcu President Asif Ali Zadari leh Prime Minister Yousuf Raza Gilani cun an tuarpi thu leh pawi an tithu an sim.Bomb puak hi zoih puahmi asi ti theih fiangnak an nei hrihlo nan Cozah lam thupuangtu cun Taleban pawlih ti puakmi asi ding tiah an zumthu an sim.
 
Afghanistan Ah Bomb Puak Tam.
 
Mizan ah Afghanistan khawpi Kabuk khaw hnar ah Bomb a puakih Civil mi 14 leh ralkap 11 an thi. Mizan sun thotho ah Zhari district ah Bomb dang a puak thotho ih  Palik 5 leh Civil 2 an thiih palik 2 in hraimhma an tuar. Interior Ministry thupuangtu in a simnak ah Palik pawlhi Opium cinnak hmun zohfiang dingih feh an siih, Opium cingtu Tapung misual pawlih kammi Bomb an pal ngah asi ati.
 
Himi tlunah mizan zingah Centre Wordah hmun kiangah Bomb an kammi a puak thotho ih Palik 3 ah thiih palik 2 in hriamhma an tuar.Cun Tihni sun zarh te niah  Khost Province ah Bomb kammi a puak thotho ih palik 2 leh civil 1 an thiih Palik 1 leh Civil 1 an hriamhma an tuar. Kum 2001 ihsin US Cozah in Afghanistan ram sungih Taleban pawl a nawr thlakih sin tutiang Taleban pawlhin Bomb puah leh buainak an tuah ringring lai a si.
 
Taleban Leh Pakistan Ralkap – Kap Aw
 
Pakistan ralkap leh Taleban Tapung pawlcuTaleban pawlin Muslim dan Shari Law an hmannak hmun Swat Valley kiang Dir Distric ah nasa zetin an kai aw rero laiih. Pakistan ralkap thupuangtu cun Islam Pura, leh Lal Qila hmunih  Taleban pawlhi Cozah thupek nakih kap kansi tiah an puang. Pakistan Inter- Service Public Relation hotu cun himi an kah awknak ah hin Taliban Tapung tamzet kahthat an si ih, Dag ih an kah awknak ah  Pakistan ralbawi leh ralkap dang ziangmaw zat an thih ih tlun ah  Lal Qila hmunih Pakistan ralbawi Commander, Maulvi Shahid leh ralkap 5 an thi tiah a simbet.
 
Hi an kah awknak hmun Media pawl luhtheih asilo, ih mithi leh hriamhma tuar leh kah awknak hmunih thil thlengmi theifiang thei asi hrihlo. Dir leh Swat District hi Taliban pawlin Muslim dan Shari Law an hman theinak dingih Pakistan Cozahin  siannak a pekzo mi asiih himi tlunah Taleban pawlih hmun leh ram dang kau sinsin nawr vivobet an tum asi.  Hi an kah awknak thuhla thawi pehparaw in Preisdnet Asi Ali Zardari ih thupuangtu  Farhatullah Babar cun Cozah leh Taleban pawlin rem awknak thu tiam an neihcia micu tidang lamnak zianghman a um hrihlo asi ati.
 
Pakistan Cozah in Swat Valley district Taleban pawl thuneihnak hnuai iha pekcu US cun a sawisel zetih Taleban pawlin himi lawng duhtawklo ih ram kau sinsin lak an tum vivo ih  Buner tiang ih Post an din cu a duhlo zetih  Taleban pawlin Buner ram hi an suahsan sal zonan an lakih mi ziangmaw zat 10% hrawng an tanglai asi tiah US  Intelligence pawlcun an sim. Hi an kah awknak hmunhi  Muslim sakhua hruaitu Tehrik-e-Nifaz- e- Shariah Muhammad pawlih an hruaitu Sufi Muhammad ih umnak kiangte asiih. Sufi Muhammad cun himi kah awknak thu ah Pakistan Cozah cun Taliban pawlthawi an thutiam kammi an pahbal asi ati.
 
Himi  laiah Pakistan Prime Minister  Yousuf Raza Gilani cun  Swat Valley ramih Muslim dan Shari Law hman asi ah cun  Taliban pawlcu an ralthuam hmanglo dingin ka sim thei hai ding tiah Sufi Muhammad in a rak tiamkam zo asi ati. Interior Minister Rehman Malik cun Taliban pawlcu Pakistan cozah in a ning tuk zo ih an ralthuam zaten Pakistan Cozah hnenih pe lut aw dingin a simih Swat Valley ramih rual rem awknak a um leh umlo zoh fiang nak dingah tikcu can  malte sung pek an si dingih cumi hnu ih rualrem nak zianghman a um cuanglo asi ah cun Pakistan Cozah cun taliban pawl hnenih a tuah dingmi thil cu a tuah thlang ding asi ati.
 
Ecuador Hril Awk Nak
 
Ecuador rampi hril awknak cu thehfel a sizo ih Presodent tuanlai tu Rafael Correa cun nehnak a co sal asi. Hi an hril awknak ah hin President tuanlai Rafeal Correa cun a mah cuhtu President hlun  Lucio Gutierrez leh Alvaro Noboa cu a nehsal asi, Rafeal Correa hin Vote 54% a hmu ih Lucio Gutierrez in Vote 28% a hmu ih Alvaro Noboa in Vote 10.2% a hmu asi.
 
Hi an hril awknak ah hin Rafeal Correa cu a mah cuhtu pawlcun tlinduh ruangih thildiklo tuah ah an puhih asi nan  Rafael Corrae cun  Ecuador ram mipi in thinlung fimzet thawn ram thanso nakding hminsin tlak thil an ti asi ati.
 
(Visited 44 times, 1 visits today)

Comments

comments

Comments

%d bloggers like this: