EU In An Ram Palai Umnak Hmun Zung(Office) Yangon Ah Awng Ding!

Myanmary News.Net, AFP | January 8

European Union cun Kawlram ah a rei hlanah an palai umnak ding hmun zung(office) awng an tum thu Kawlram thuthangca in a tarlang.

Michael Mann, EU foreign policy chief Catherine Ashton aiawh ih thusimtu cun Kawlram khawpi lun, Yangon ah European Union palai umnak ding hmun zung(office) awn a si theinak ding ah Kawrlam cozah thawn khal lungkimnak an neih zo thu a rel.

Michael Mann cun, “Tu ih zung(office) kan tuah ding mi hi Eu hrangih ram palai tuansaktu ding ngaignai vek ih hna khiahsak an si lo ding. Asinan, Kawlram sungih bawmnak pektul le thil poihai a um caan ah suangbawltu bik ding ih ret an si. Ziangtik ah hi zung(office) awn a si ding ti cu rel theih a si ciah hrih lo deuh” tiah a rel bet. Eu zung(office)  awn a si thei hlanah Thailand ram khawpi, Bangkok ih ambassador ah theih ternak pek hmaisak khal a tul ding a si.

Kawlram in kum 2010 ih election an neih hnuah Kawlram acozah thar cun thlakthlengawknak a phunphun a tuah rero ih cu’i thlakthelngawknak Kawlram cozah thar in a tuah reromi cu democracy lam hawi ih  hmailam khal ah a nei vivo thei taktak ding maw ti thusuhnak thawn European Union le nitlaknaklam ram pawl cun an thlir in an ngaihven rero zo a si.

Kawlram ah U.S. Secretary of State Hillary Clinton cu kan dung kum, November thla ah Kawlram dinhmun thlir in a rak feh zo ih British Foreign Secretary William Hague khal in tu’i zarh ah Kawlram sung rori ah um in Kawlram in thlakthlengawknak a tuahmi pawl zohhliahnak a nei rero zo. Cuvek ih Kawlram, ramsung rori ih feh in zohhliahnak le hliakhlainak an phunphun an tuahmi parah lungkimnak an nei nan Kawlram cozah in ramthukhel ruangih thawng a thlakmi pawl a suah zalen thluh duh ngaingai hrih lo ruangah beidawng in an um phah a si.

EU foreign policy chief Catherine Ashton khal in kum 2011 ah top foreign policy adviser Robert Cooper cu Kawlram ah thlah in Kawlram thlakthlengawknak le thansohnak pawl hliakhlainak a rak nei ve zo. Cuvek ih hliakhlainak le biakawknak a phunphun in an neih hnuah Kawlram sung rori ah EU palai umnak ding hmun zung(office) awn a si theinak ding tiang in Kawlram cozah thawn rualremnak an neih phah theinak a si.

(Visited 23 times, 1 visits today)

Comments

comments

Comments

%d bloggers like this: