Ernie Thlahnak

November 27

Zarhte Ni

Ernie Thlahnak

Siar:

2 Korin. 5:6-8; Filipi 1:21-23

Ngai hnik uh! Pathian mit-hmai ttha ngah can cu tuih caan hi a si; rundamnak co ni cu tuih ni hi a si. 2 Korin. 6:2

Kumkhat Sung Baibal:

–   Ezekiel 30-32

–   1 Peter 4

September 30, 2009 ni ah Michigan ramtthen, Detroit khua ih Fox zuknung zohnak innpi ih thusimnak donhlei parah thuthangca ngantu Mitch Albom in American lehpan zuam awknaklam ih an duhdawtzet mi Ernie Harwell cu thusutnak a nei. Harwell cu kum 50 lai radio sungin lehnak thuthantu a si ih a tambik cu Detroit Tigers base ball team hrangah a si. A tthatnak, a tangdornak le aipuangzet ih thuthantu a si ruangah a tongtu hmuahhmuah a hiipzet.

Albom in thusutnak a tuah caan ahcun Ernie cu kum 91 a si ih cancer nat a neih thu an than hnu ah a si. Asinan Ernie in a hrangah mipi an riah a siatter lo. 1961 kum zaan khat ah Jesuh Khrih cu Rundamtu le Bawi ih a pom thu a sim sawn. Atuvek a tikcu caan netabik ah hminthangzet thuthantu cun hiti’n a sim, “Ni ziat ka dam hrih ding ti cu ka thei lo, asinan ka theih fiangmi cu zo ih ttaang hlum sungah ka cem ding timi le vancungram cu ziangtluk a nasa ding timi a si.”

Ernie cun thil danglam a rak hmu cia. Pathian in a sunglawimi kumkhua inn a hrangah remcia in a um ti a thei (John 14:2-3; Filipi 1:21-23). Curuangah thihnak cu ttih loin a hmason ih Pathian a thangtthat thei. Zumtu, nang teh cuvek in hnangam te’n na um thei maw? Pathian in inn ah lo cohlang dingin a lo hngak ti na thei maw? A cemnetnak hi a thupibik.  – Dave Branon

Bawipa, a netabik thaw ka thawt tikah,

Thihnak ihsin hmaitonte in ka lo hmu thlang ding;

Cutikah ka thinlung cu kumkhua in hla a sak ding,

Ka siangpahrang thangtthatnak vancung hla. – Raniville

Khristian hrangah thihnak cu vancungram,

lungawinak le Pathian hnenih thlennak a si.

(Visited 33 times, 1 visits today)

Comments

comments

Comments

%d bloggers like this: