Emergency Kit

October 28

Tlawngkai Nili

Poipeng Caan Ih Hman Ding

Thilri Bawm

Siar:

Efesa 6:10-18

Atu ihsin Pathian raalthuam kha hruk uh, caan sia a thlen tikah nan raal pawl cu nan do thei dingih a net tiang nan do hnu ah nan ttanhmun nan hum ngah ding. Efesa 6:13

Kumkhat Sung Baibal:

–   Jeremiah 15-17

2 Timote 2

Kum hleihnih sung lamhla ka khualtlawn fehnak kip ah poipeng caan ih hman ding thil ttulmi retnak bawm (emergency kit) ka keng ringring. Asina’n veikhatte hman cuih thil cu hman a ttul dah lo ih a ngaingai ih hman a ttul caan ah cuih thil a um ti hman ka vun ciingmang nawn lo. Asinan vantthatnak ah kan nu in a thei ngah ih tawk deh lai.

Zaan khawthim lakih kan feh lai ah zukneng kan pah ngah pangih kan mawttaw cu mawn a theih nawn lo. Phunzai phah in datmei fate thawn mawttaw siatnak cu ka hawl ka zoh rero ih in dirh saktu dingah truck car kawh ka tum. Culaifang ah kan nu in poipeng caan ih hman ding thilri retnak bawm cu ong tahrat in raalrin peknak meisa cu mawttaw kiangah a ret ih a tleuter. Harsat mangbangnak ton caan ah kan kenmi thil rori kha ka hngilh thei ttheu timi thu kan rel saal rero.

Paul in Efesa kawhhran zumtu pawl hnenah, “Satan bum siatnak do thei dingah Pathian ih a lo pekmi raalthuam kha hruk uh,” a ti (Efesa 6:11). Hih raalthuam cu thutak, dingfelnak, raalring cia ih umnak, zumnak, nunnak le thlacamnak pawl an si (cc. 14, 18). Pathian duhnak siatsuah dingin kan raal pawl an rat tikah cuih raalthuam kan neihmi pawl cu kan hngilh lo a ttul.

Cuih raalthuam cu hmang aw. “Atu ihsin Pathian raalthuam kha hruk uhla caan sia a thlen tikah nan raal pawl cu na do thei dingih a net tiang nan do hnu ah nan ttanhmun cu nan hum ngah ding a si” (c.13).    – David McCasland

Satan in in do tikah,

Thinlung takin thlacam ding kan si;

Pathian hnenih kan ap ahcun,

Kan beunak le thazaang a si ding.   – Sper

Pathian in raalthuam in pek, hmanseh kan hman a ttul.

(Visited 29 times, 1 visits today)

Comments

comments

Comments

%d bloggers like this: