Eliana Can in

May 3

Nipi Ni

 

Eliana Can in

 

Siar:

Luka 22:7-20

 

“Keimah in theih ringringnak dingah run tuah uh.”  – Luka 22:19

 

Kumkhat Sung Baibal:

   1Siangpahrang 14-15

   Luka 22:21-46

 

Ka nupi in kan tunu Eliana hi a nu tlawng ih ca a zirh sung cu a kilkhawi. Anmai’ inn vekih nuam-aw dingin thil tampi kan tuah sak. Amai’ zuk le a nu le pa ih zuk kha zikhetitta parah amah can in kan taar sak. Cu tiih kan tuah tikah a nu le pa kha an zuk in sunnihlawh a hmu hngai thei. A nu le pa kha nikhat sung atu le tu a mang hngai ding duhsaknak thawn kan tuahmi a si.

         

Ziangruangah hiti’n kan tuah? A nu le pa cu a hngilh hngai pei maw? Si hlah. A nu le pa a theih hngai ringringnak ding sawn ah a si.

           

Jesuh Khrih an thah hlanah Amah hngilhlonak ding thil a tuah ta. A dungthluntu pawl le atu san kanmah hnen tiangah, “Keimah in theih ringringnak dingah run tuah uh,” (Luka 22:19) a ti. Himi hi Khrih kan hngilh ding ruangah a si maw? Si hlah. Ziangtin so kan sualnak hrangih thih tuartu cu kan hngilh thei ding? Amah theih ringringnak dingah tiah a tuahmi Bawipa Zaanriah cu kan hrangih a nunnak a peknak, in umpi ringringnak, a huham le a thukam theih ringringnak dingah a si.

           

A nu le pa ih zuk in Eliana cu a nu le pa ih duhdawtnak a ciingmangter ringring bangtuk in Bawipa Zaanriah kan hmanmi in kumkhua kan umnak ding inn ah in hruaitu a rat saalnak ding thu in ciingmangter. Ei-in awla hngilh hlah aw.

           

Riahsiat a tuarnak cu rulh saal thei a si lo,

Duhdawtnak leiba ka nei;

Bawipa atu Na hnenah ka pek aw,

Cu cu ka tuah thei sun a si.

 

Mai’ sualnak napi ih a ruattu in,

Khrih thinglamtah lungawi te’n an mang saal.

(Visited 35 times, 1 visits today)

Comments

comments

Comments

%d bloggers like this: