Ekinn Man Khung

Malaysia ih ‘candy’ US in duh lo

Malaysia Health ministry cun Kedah state ih tuahmi ‘Grape rim nei ‘candy’ (sweet) Cocon timi cu US in a ram sungih zuar a duh lo ruangah Malaysia khalah zuar a siang lo ding tiah a ti.

California Department of Public Health (CDPH) cun Malaysia ram ih tuahmi ‘candy’ cu zohfiangnak a tuah tikah candy 1 kg ah ‘lead (suan) 0.19 mg a tel ti a hmu ih, US ram in ‘ei le in’ ih rawi thei zat an bikhiahmi cu 0.1 mg lawng a si ti a si.

Asinan 1985 ah WHO (World Health Organization) cun 1 kg ah 2 mg tiang rawi a siang ih, Cucu Singapore cun tuni tiang a thlun. Indonesia cun 1 mg lawng a siang ih, Hongkong cun 6 mg tiang rawi a siang. Nitin lead (suan) 2 mg ei ruangah zarhkhat sungah taksa rihnak (weight) cu 0.025 mg in a kai thei ih, 300 mg tiang ei ngah lawngah milai nunnak in a tuar thei ti a si.

Palik in nunau (12) run suak

Kan dung zarh ah Taman Bukit Permai ih um nunau pahnih kum 23 le 31 an kai ih, cuih nunau pawl hnen ihsin thuthang an ngah vekin nunau dang (12) khal run suah an si.

Palik pawlih sim dan cun, hih nunau kum (14) ihsin (42) pawl hi Malaysia ah hnatuan tha tuan dingih kawh an si ih, umnak tha nei loin hmun dangdang ah ‘hlawhhlang le hnen um’ tuanter an si.

Hih nunau pawl hi 2010 sungih Malaysia ram ra luttu pawl an si ih, an lakah Kawlram mi an um theu an sim. Asinan, Kawlram lakah ziangvek phunhnam an si ti an sim lo.

Air Supply Malaysia ah

August 31, 2010 ah Malaysia in ‘Independence kum 53 nak’ a hman hnu ah kum 1975 ih dinthokmi ‘Air Supply’ pawl cun kum 35 an kimnak ding cu Malaysia ah concert thawn lomnak tuah an tum. November 15, 2010 ah KLCC (Kuala Lumpur Convention Center) ah concert an nei hmaisa dingih, November 16,2010 ah Penang ih Pisa Indoor Stadium ah an tuah ding, cun,  November 18,2010 ah Pahang state, Kuantan ih Sukpa Indoor Stadium ah concert an tuah ding. Vocalist Graham Russel (kum 60) khal a ra thei ding ti a si. An larnak hla pawl cu: Lost in Love, All Out Of Love, The One That You Love, Even The Night Are Better, Lonely Is The Night tivek pawl an si.

Ekinn man khung

1960 ah Liverpool ih dinthokmi ‘Beatle band’ ih rhythm guiter tumtu le hlasaktu ‘John Lenon’ cu amah duhdawttu pawlin ‘a damlai ih a hmanmi ekinn’ cu sterling pound 9,500 (US$ 14,740) in an leisak riai.

Hih ekinn man hi a zuartu pawlih beiseinak hnakin 10% ih khungin an zuar ti a si.

John Lenon hi 1980 ah New York khawpi ah thah a si ih, England thlanglam Berkshire ih a um lai 1969 ihsin 1971 sungih a hmanmi ekinn a si.

Ekinn tuahtu John Hancock cun kum (40) lai a rak ret tha ih, sterling pound 750 ihsin 1,000 hrawngih zuar thei tum a si.

Compiled by Salai Biak Chawn

(Visited 48 times, 1 visits today)

Comments

comments

Comments

%d bloggers like this: