Einstein Ih Pathian

September 4

Tlawngkai Ninga

 

Einstein Ih Pathian

 

Siar:

Saam 19:1-6

 

Van pawl khin Pathian sunlawinak an sim ih,

Tlolak kaupi cun a kut suak an langter.      – Saam 19:1

 

Kumkhat Sung Baibal:

–   Saam 143-145

–   1Korin 14:21-40

 

Mi maksak physicist Albert Einstein cu Pathian na zum asile tiih thu an suh tikah, hiti’n a let: “Kannih cu ttong phunphun ih nganmi cabu tampi ih khatmi calaibuk sungih a lutmi nauhakte bangtuk kan si. Nauhakte cun hih cabu pawl hi mi pakhatkhat in an nganmi a si ti cu a thei. Sihmansehla ziangti’n an ngan ti a thei lo. Cu bangtuk in kei khal mifimbik pawl hman in Pathian thawn pehpar in cun cutivek an si men ding ka zum. Tlolak pi hi mangbangza mawi le remzet in a ret ih daan an thlun ti cu kan hmu nain cuih daan pawl ih thu cu mal ruarite lawngin kan thei” a ti. Einstein in Pathian ih thil sersiam le ruangzing daan a mangbang hmansehla a pumpak in Sersiamtu Pathian a zum lo.

 

Saam cangantu in Einstein vekin Sersiammi thil pawl parah a mang a bang, asinain karkhat a kar bet ih mangbangza thil pawl a ruangzingmi ih dungah a ummi Sersiamtu Pathian a zum: “Van pawl khin Pathian sunlawinak an sim ih, Tlolak kaupi cun a kutsuak an langter,” (Saam 19:1) a ti.

 

Tlolak kaupi kan hmuhmi cu Sersiamtu a khihhmuhtu lamzin a si. Bible in, “Amai’ sung ihsin Pathian in ziang hmuahhmuah a tuah; … Amah tel loin tuahmi pakhatte hman a um lo,” (John 1:3) a ti.

 

Na zumnak ah na buai maw? Van ih arsi pawl zoh aw. Sersiamtu a khihhmuhtu kutzung thiamnak an si.

 

Pathian in a thuanthu a ngan,

Van parah mizaan ah;

Ka hmuh dah lo arsi sungah,

A lethmat tthumi a tleuzet.

 

Sersiammi ih ruangzingmi in

Ruangzingtu Bawipa an khihhmuh.

(Visited 22 times, 1 visits today)

Comments

comments

Comments

%d bloggers like this: