Eih-Met-Sone-Ya (အိပ္မက္ဆုံရာ) Hlasak Zuamawknak Ah Sung Tin Par Zohdiktu Ttuan Ding

Sung Tin
Rampi huap hlasak thiam Sung Tin Par cu tuihkum Eih-Met-Sone-Ya (အိပ္မက္ဆုံရာ) Season- 9 hlasak zuamawknak ah zohdiktu a ttuan ding thu Popular Journal cun a tarlang.

Sung Tin Par cu tuihkum titoih puai sung Naypidaw Sky net Mandat ah mipi awihnak nei in lungawiten caan a hmang.

Titoih puai ttheh April thlacem ahcun Penang ah hlasak ( ေဖ်ာ္ေျဖပြဲ) nak nei ding a siih May thla ahcun Australia ah hlasak ding a neih thu theih a si.
“Penang ahcun biaknak lam in a siih Pathian thangtthatnak hla ka sak ding. Australia cu Mipi awihnak menmen a si ding. Cumi cu May thlacem ah a si ding” tiih simtu sung Tin cun A netabik a suahmi Album thar khal Titoih puai thluh, kum thar ah a zaih thok ding thu theih a si. Kum Thar ah series thar ziangtin a zaih ding tile
“Lawlawse ka zaih zomi pawl cu a tthabik si dingin ka zaih. Tuahsal ka duhmi khal a um nan caan ka ngah lo. Tuikum sungih suah thei ding cun ka tumtah. Mipi khal lungtling, keimah khal lungtlingmi hla pawl cu a hleice ih thasuah in ka zaih ko. Ka hla tinkim ah keimah in lem ka cang thluh lo. Ka duh hleice-mi hla pawl lawngah keimah in lem ka cang. MTV ah hla pawl hi ttha zetin tuah a si” tiin Sung Tin Par cun a khui MTV thawn pehparin simfiangnak a nei.

Sung Tin Par cu Titoih puai thluh ih hlasak zuamawknak (အိပ္မက္ဆုံရာသီခ်င္းဆုိၿပိဳင္ပြဲ အစီအစဥ္) Season- 9 ah zohdiktu a ttuan ding tiin theih a si.
“A hlan ahcun mikhual/khuallian dinhmun in ka rak tel dah. Hlan deuh khalah zohdiktu dingah in rak sawm ko nain kei cu khualtlawng vivo ka si ruangah ka rak telpi dah lo. Tuittum cu keimah khalin ka paih(စိတ္ဝင္စား). Duh khal ka duh ruangah ka tel ziknak a si” tiin hlasak zuamawknak ih a tel ding thu thawn pehparin simfiangnak a nei tiin Popular Journal cun a ngan.

Kan dung naite khalah Popular Journal thotho cun Sung Tin Par in a kum upat hlanih single live show tuah thei a beisei thu an tarlang dah.

(Visited 1,577 times, 1 visits today)

Comments

comments

2 Comments

  1. khin do sang says:

    kanmah cate rori ih rak siar ding ka hmuhcu suah man nei ka ti aw tukkalo fakin ka lo cawi tuk nan bangnak par ah PaThianin lo thlawsuah hram seh.

  2. khin do sang says:

    kanmah cate rori ih rak siar ding ka hmuhcu suah man nei ka ti aw tukkalo fakin ka lo cawimawi tuk nan bangnak par ah PaThianin lo thlawsuah hram seh.

Comments

%d bloggers like this: