Ei le In Pathian Biak tluk ih Ruat

Siar:  Seemtirnak 2:8-17

Na ttulzat hnakih tam deuh khuaitizu ei hlah, tamtuk na ei le na luak ding. – Thufim 25:17

Kumkhat sung Baibal:   Seemtirnak 7-9  – Matthai 3

Ca-uk dawr na feh ih in le ei thuhla nganmi tampi na hmuh caan cu January thla hi a si ding. Zarh tampi sung rawl a phunphun an ei luantuknak ah, ka ei nawn lo ding an ti cio ttheu.

Baibal sungah rawl a thupitnak a um. Pathian in in thluasuahnak lawng si loin, thu in zirhnak khal ah a hmang. Dik lo ih rawl kan einak ruangah Pathian kan theihnak in dawnkham.

Thukam Hlun sungah Pathian in Adam hnenah ei ding le ei lo ding a sim (Seemtirnak 2:16-17). Lehhnu ah Israel mi pawl cu mana a pek hngai (Suahlannak 16:12; Daan. 8:16). Thukam Thar sungah Paul in ziangtinkim kan tuahnak, in le ei tiangah lungput daan dik in khihhmuh: “Na in ah siseh, na ei tikah siseh…Pathian sunlawinak ah tuah aw” (1 Kor. 10:31).

Rawl cu rualpi ttha in hnemtu vekah kan ruat, culole in thautertu kan raal vekih kan ruat a si ahcun Pathian ih laksawng ttha kan cohlan daan ding dikin kan cohlang hrih lo tinak a si. Ei ding le ei lo ding thu kan buaipituk a si ahcun laksawng in petu parah si loin a pekmi parah kan thinlung a umtuk tinak a si. Cumi cu mizuk biaknak thawn a bang awk.

Ei in cu a dikmi Pathian biak daan pakhat ih kan hman a si ahcun rawl a biaktu kan si nawn lo ding.

Bawipa Nangmah lawng hi

Biak tlak le thangthat tlak Na si,

Na hnenah thangtthatnak um seh,

Lungawi in hla kan sak.

Rawl cu kan pathian a can ahcun,

Nunnak Sang kan duhnak cu a hlo vingvo.

Comments

comments

Comments

%d bloggers like this: