Ei-in Rawl, Hmeh Bawl Dan (5)

Hmeh
Sweet & Sour Pork (Voksa Thum thur)

Himi Sweet & Sour Pork khal phunthum in ka suang. Cuih lakah suan dan phunkhatte ka ron ngan ding. Nidang le phundang ih suandan kan zir leh ding.

A Telmi Thilri (Ingredients);
1. Voksa titfim (Lean meat) 1kg
2. Arti pumkhat
3. Cite
4. Oyster sauce
5. Sangvut (plain flour)

Sauce hrang telmi;
1. Tomatoe sauce 3 spoons
2. Chili sauce 1 spoon
3. Citi ¼ spoon
4. Tidai khuat khat
5. Frozen mixed vege

Voksa ciah dan (marinade pork);

1. Voksa a thau tel lo a titfim rori na hmang ding. Na voksa kha “meat mullet” thawn durh thluh ko in na thawi ding. Meat mullet nan neih lo le namtong a pheipakhang zawngin na kai dingih cutin na vuak ding. (Kei khal namtong lole suksuhlum ka hmang țheu).

2. Cutin na voksa durh ko na vuak hnu ah lai lam sasem can țheu hnakih fate deuh, mom theih fang (bite size) in na can ding.

3. Cun, cumi na voksa sungah cini ¼ spoon , Oyster sauce haite khat le Arti pumkhat na rawi ding. Na kutin rualten na cok dingih a malbik nazi pakhat sung na ciah ding.

Sauce Tuahdan;

Tomatoe sauce, Chili sauce, cini le tidai na rawi thluh ding. Cun, a hnuuntertu dingah sangvut malcirik na rawi dingih a zaten na cok rualran thluh ding. Cutin na ret sung ding.

A Suan dan;

1. Thir bel sungah siti na sat ding. Cun, sangvut kha khengkum sungah na ret dingih na voksa kha sangvut sungah na phim ding(Tidai telh hrimhrim hlah!). Voksa kha sangvut ih khuh thluh ding a si. Cumi phut mermer ih na tuahmi voksa kha siti sa sungah na paih ding. Meisa faten a hmin ngah, a rong phundang ih a suah tiang na kio ding. Cun, a lengah na suah dingih siti thlawrnak ah thir ong hmang aw. Thir ong na neih lo le siti hawp ko dingah tissues na hmang thei. Cun siti a ko ngahin pakan ah na ret ding.

2. Na thir bel na tifai hnu ah siti maltak na tuah dingih cumi parah frozen mixed vege na kio ding. Malte sung na cok dingih cu hnu ah sauce na tuah cia mi na toih ding. A so hlurhlo ngah in na voksa parah na toih ding. A sat lai ih ei a thawbik.

Hminsin : Lailam ih suan duh hrangah frozen mixed vege tel lo khalin a ngah. Himi frozen mixed vege na hmang lo ding asile sauce kha siti tuah țul lo`n thir bel sungah na soh men ding.

# Pumpi khapkhat hrangah hna kan țuan cio. Ei-in thaw kan ei theinak ding ruahsan in ‪#‎CTrawlsuanzirnak‬ thlah a si.
By/ Mai Daidim

Comments

comments

Comments

%d bloggers like this: