Ei-in Rawl, Hmeh Bawl Dan (13)

ingre
Ant’s Tree

A Telmi Thilri (Ingredients) ;

1. Bean Vermicelli (ပဲၾကာဇံ)
2. Mince meat
3. Dried mushroom
4. Ginger
5. Chilli
6. Light soy sauce
7. Dark soy sauce
8. Chinese cooking wine
9. Sesami oil
10. Tidai

Timtuahdan;

A hmaisabik ah bean Vermicelli na ciah ding. 20mins hrawng ciah țul. Musrhoom khal cu hrawng na ciah thotho ding. Cun, a neem ngahin tidai na hlon dingih Vermicelli kha tan thum hrawngin kaihci thawn at aw. Musrhoom khal fateten na at thotho țul.

Hnakphek a mu na hlonna hnu ah fate takten na at (chop) ding. Thiing khal chop ding. (Thiing ka timi kha ginger a si. Hrekkhat in aithiing kan tiih hrekkhat in sawhthiing kan ti culci ruangah khatiin ka hmang men)
ant

A Suandan;

Thirbeel sungah siti haite khat na sat ding. A sat ngah in thiing(ginger) na thlak dingih na cok ding. A rim a hmui ngah in hnakphek na thlak ding. Malte a rong gold color a si in a lengah na suah ding. Kheng fate ah ret sung aw.

Cun, na duh le siti malte na toih bet thei. Siti tlor na duh lo le toih bet țul lo. Musrhoom na thlak ding. Rum nawn in na kio hnu ah mince meat thlak aw. Na cok rero ding. Cun, Chinese cooking wine haite khat na toih ding, light soy sauce khal haite khat na toih ding. Mince meat a rong a raang thluh ngahin Vermicelli na thlah ding. Cun, dark soy sauce haite khat tluk na toih dingih sesame oil malte na toih ding. Na cok rualran thluhin tidai khuat hrek tluk na toih ding. Cun a sin na sin dingih 2mins hrawngah a lengih na suah ciami thiing le hnakphek kha na thlak dingih cok phahin na mei that aw. Ei theih cih zo.

Himi hmeh hi a hmeh umtudan zohin “Ant’s Tree” tiin ka pi in hmin a pek menmi si. #

‪#‎CTrawlsuanzirnak‬

Comments

comments

Comments

%d bloggers like this: